Kriza katalanase: Senati i Spanjës
vendos sot për zgjidhje emergjente

Sipas propozimeve të njoftuara nga Kryeministri spanjoll Mariano Rajoy, këtë të premte, Puigdemont do të shkarkohet dhe do të mbahen zgjedhje të reja rajonale. Madridi do të marrë kontrollin e financave të Katalonjës, policisë dhe medias publike.

Qeveria qendrore e djathtë e Rajoy ka një shumicë në Senat. Plani është miratuar gjithashtu nga partitë e opozitës. Neni 155 i Kushtetutës së Spanjës që prej vitit 1978, nuk është përdorur kurrë më parë. Spanjollët e quajnë atë "opsionin bërthamor" të qeverisë së tyre.

Ditën e sotme, Senati spanjoll pritet të votojë në favor të zbatimit të nenit 155, nëpërmjet këtij neni mund të nxjerrin rajonin e Katalonjës nga autonomia. Qeveria spanjolle këmbëngul se kjo masë është e vetmja mënyrë, për të qetësuar krizën katalanase. Por udhëheqësit katalanas thonë se një masë e tillë, thjesht do ti hedhi benzinë zjarrit, kjo gje mund ti bëj ata të shpallin republikën e pavarur katalanase.

Në kryeartikullin e gazetës spanjolle "El Periodico" shkruhet: "Deklarata e njëanshme e Pavarësisë, Mirupafshim". Sipas Eurostat, Bankës së Spanjës, Ministris së Ekonomisë, rezulton se 16% e popullsisë spanjolle që jetojnë në Katalonjë, prodhojnë:

25.6% të eksporteve të Spanjës

19% të PBB-së, dhe ka 20.7% të investimeve të huaja.

Redaksia Online
Xh.F/Shqiptarja.com