Kriza në Ukrainë, ja arma ruse të cilës i trembet Kievi në rast të një sulmi

Mes frikës së një pushtimi nga momenti në moment, Ukraina ka analizuar ushtrinë dhe potencialin e armatimeve ruse, duke iu trembur përdorimit të një arme të frikshme. I quajtur BMPT (Mjeti Luftarak i Mbështetjes së Tankeve) "Terminator" është një mjet i blinduar me shumë funksione, një mjet jashtëzakonisht i rrezikshëm. Nëse përdoret gjatë një pushtimi mund të krijojë mjaft probleme për forcat ukrainase dhe të NATO-s.

Edhe pse zhvillimi i këtij automjeti të blinduar, i njohur gjithashtu si "Ob'yekt 199" ka qenë veçanërisht i diskutueshëm, në dy vitet e fundit Moska ka filluar ta përdorë atë në parada, por veçanërisht në stërvitje. Ky mjet mund të përdoret në detyra të shumta: falë shpejtësisë , shkathtësisë dhe armatimeve që monton (granatahedhës, raketa dhe topa 30 mm), në fakt mund të përdoret si kundër- njësi tankesh, si një mjet për të angazhuar dhe shtypur njësitë e armikut , për shkatërrimin e mjeteve luftarake të këmbësorisë, për shkatërrimin e vendbanimeve të fortifikuara të kundërshtarëve, por edhe si mjet vetëlëvizës kundërajror .

Të gjitha këto karakteristika do ta bënin "Terminatorin" një kundërshtar padyshim të rrezikshëm. Dhe ndoshta jo rastësisht është përdorur në stërvitjet e fundit të përbashkëta me Bjellorusinë në kufirin me Ukrainën.

TAG:
• konflikti rusi-ukraine
• ukraine
• Rusi