Maqedonia është njëra nga shtetet që është vendosur në axhendën e kryetarit të Këshillit Evropian, Donald Tusk, i cili të hënën do të zbarkoj para zyrës së Ivanovit për t’i dhënë porosinë e duhur sa i përket situatës politike në vend, njofton agjencia e lajmeve INA.

Nga kabineti i presidentit, Gjorgje  Ivanov thonë se, përpos zhvillimeve aktuale dhe krizës së  emigrantëve do të diskutohet edhe kriza politike në vend si dhe perspektiva evropiane e rajonit.

Ndërkohë, opinionistët, e shohin si presionin e fundit ndaj presidnetit për t'i dhënë mandatin, liderit të LSDM-së, Zoran Zaev.

Profesoresha, Tanja Karakamisheva- Jovanovska thotë se, nuk përjashtohet skenari që zyrtari i lartë i BE-së, Tusk parashtroj opsionin e sanksioneve të ashpra për disa polikanë nga rradhët e VMRO-së dhe ndaj presidentit Gjorgje Ivanov.

Megjithatë, ajo mbron vendimin e presidentit, duke e llogaritur në harmoni të plotë me dispozitat kushtetuese.INA

Redaksia Online
e.m/Shqiptarja.com