PARIS – Orë vendimtare për qeverinë Barnier.
“Vetëm nëse ndodh një mrekulli, ndryshe do të votojmë për mosbesim,” kishte deklaruar më parë Jordan Bardella, pasardhësi i Le Pen dhe presidenti i Rassemblement National, dhe e konfirmoi sërish sot pasdite: e djathta ekstreme franceze synon të rrëzojë qeverinë e pakicës, e cila u formua vetëm dy muaj më parë, në mes të procesit të miratimit të buxhetit shtetëror. Kryeministri Michel Barnier sapo ka njoftuar se do të përdorë nenin 49.3 të Kushtetutës për të miratuar ligjin e buxhetit të Sigurimeve Shoqërore, një lëvizje që i lejon të anashkalojë votën parlamentare për të kaluar reformat e tij, pavarësisht kundërshtimit të ashpër të Rassemblement National.
Ndër pikat më të debatuara të këtij buxheti janë shkurtimet në kontributet sociale të punëdhënësve, një ndalim i pjesshëm i rritjes së pensioneve në përputhje me inflacionin dhe një politikë më kufizuese për rimbursimin e barnave. “Mendoj se kemi arritur në një moment të së vërtetës, ku të gjithë duhet të përballen me përgjegjësitë e tyre,” tha Barnier. “Francezët nuk do të na falnin nëse do të vendosnim interesat partiake mbi të ardhmen e kombit.” Ai shpalli zyrtarisht se merr përgjegjësinë e plotë të qeverisë për këtë projektligj të financimit të sigurimeve shoqërore.
Le Pen i kishte dhënë afat qeverisë deri sot për të bërë ndryshime në projektbuxhet, por ministri i Financave, Laurent Saint-Martin, një nga aleatët kryesorë të Macron, deklaroi qartë se nuk kishte më hapësirë për kompromis. “Teksti i tanishëm është rezultat i një marrëveshjeje mes deputetëve dhe senatorëve. Rrëzimi i këtij teksti do të nënkuptonte refuzim të një marrëveshjeje demokratike,” kishte thënë ai. Le Pen reagoi duke e quajtur këtë qëndrim “të mbyllur dhe të njëanshëm”. Edhe pse qeveria mund të kishte bërë ndryshime të minutës së fundit, Barnier vendosi të mos e ndryshojë draftin.
Edhe e majta e Frontit të Ri Popullor njoftoi se do të mbështesë mocionin e mosbesimit, duke e cilësuar përdorimin e nenit 49.3 si “shkelje të përsëritur të demokracisë”.
Një mocion mosbesimi mund të paraqitet në parlament që të mërkurën. Nëse qeveria Barnier rrëzohet, kjo do të përbënte një tronditje të madhe për Francën, një vend që nuk është mësuar me paqëndrueshmëri politike që nga koha kur gjenerali De Gaulle themeloi sistemin gjysmë-presidencial të Republikës së Pestë. Rrëzimi i një qeverie gjatë procesit të miratimit të buxhetit është diçka që nuk ka ndodhur prej dekadash. Analistët paralajmërojnë se rënia e qeverisë Barnier mund të rrisë kostot e huamarrjes për Francën, pasi risku i borxhit publik mund të rritet në nivelet më të larta që nga kriza financiare e vitit 2012.
Në rast se qeveria rrëzohet, ajo mund të qëndrojë në detyrë për të përmbushur “detyrat e përditshme”. E vetmja mënyrë për të garantuar funksionimin e shtetit do të ishte që parlamenti të miratojë një buxhet të përkohshëm për vitin 2024, bazuar në të ardhurat dhe shpenzimet e njëjta me ato të vitit aktual, derisa të formohet një qeveri e re. Por nuk ka asnjë garanci për këtë, pasi parlamenti është thellësisht i ndarë në tre blloqe që nga zgjedhjet e fundit të korrikut, ku asnjëra palë nuk arriti të sigurojë shumicën.
Ndërkohë, presidenti francez Emmanuel Macron ndodhet në Arabinë Saudite për një vizitë treditore, ku do të zhvillojë një takim me princin trashëgimtar Mohammed bin Salman./ La Repubblica
Lajme të tjera
-
Francë/ Notre Dame hapet 5 vite pas zjarrit! Macron viziton katedralen e rindërtuar
29 Nëntor, 14:03 -
Francë/ U shkatërrua nga flakët rreth 5 vite më parë, rihapet 'Notre-Dame'! Ja kur do të pres vizitorë katedralja historike e restauruar
28 Nëntor, 18:48 -
VIDEO/ E nis dhe e mbyll aksionin, Edon Zhegrova shënon dhe i jep tri pikë Lille
24 Nëntor, 16:44 -
Tronditet Parisi! Një 77 vjeçar i armatosur hap zjarr brenda ‘McDonald’s’, një i vdekur
22 Nëntor, 17:38 -
U fsheh në Spanjë pas arratisë, ekstradohet në Angli 46-vjeçari shqiptar! Kreu i NCA: Trafikonte klandestinë nga Franca dhe Belgjika, siguronte pajisjet për organizatën (EMRI)
21 Nëntor, 22:15 -
Cilat vende e kanë ndaluar TikTok-un dhe pse?
20 Nëntor, 22:33 -
Qeveritë në Paris dhe Berlin mbeten pa para
16 Nëntor, 09:29 -
VIDEO/ Tension në Paris, përplasje mes tifozëve të Francës dhe Izraelit
15 Nëntor, 08:59 -
Francë/ Prokuroria në Paris kërkon dënimin me 5 vjet burg dhe 300 mijë euro gjobë për Marine Le Pen
14 Nëntor, 14:23 -
Liga e Kombeve/ Parisi 'blindohet' me 4 mijë policë, luhet Francë - Izrael! Në stadium dhe Macron, sot edhe Italia e Anglia
14 Nëntor, 10:05 -
Mickoski shprehet optimist për integrimin evropian pas takimit me Macronin
8 Nëntor, 22:33 -
Francë/ Përleshje në metro, 4 të rinj plagosen me sëpatë
4 Nëntor, 14:21
