POP 5

Lajmet më të lexuara të 5 minutave të fundit

Arkiva

Kroacia, shembulli më i mirë i Shqipërisë në rrugën për integrimin e plotë në BE

TIRANE, 23 Qershor/ATSH/-Ministrja e Mbrojtjes, Mimi Kodheli ka pritur sot në një takim të veçantë ministrin e Mbrojtjes së Republikës së Kroacisë, Ante Kotromanoviç i cili ndodhet për një vizitë zyrtare në vendin tonë. Gjatë takimit, ministrja Kodheli, pasi i ka shprehur homologut të saj kroat mirëseardhjen në Tiranë, që në krye të herës theksoi […]
TIRANE, 23 Qershor/ATSH/-Ministrja e Mbrojtjes, Mimi Kodheli ka pritur sot në një takim të veçantë ministrin e Mbrojtjes së Republikës së Kroacisë, Ante Kotromanoviç i cili ndodhet për një vizitë zyrtare në vendin tonë.
Gjatë takimit, ministrja Kodheli, pasi i ka shprehur homologut të saj kroat mirëseardhjen në Tiranë, që në krye të herës theksoi se bashkëpunimi mes dy vendeve tona, si në marrëdhëniet dypalëshe apo në nismat rajonale, veçanërisht në atë të Kartës së Adriatikut, ashtu si dhe ato në kuadër të Bashkëpunimit NATO, mund të cilësohen të shkëlqyera.
Dy ministrat e Mbrojtjes diskutuan për thellimin e bashkëpunimit dhe për një rol më të madh që dy vendet, si anëtare të NATO, duhet të luajnë në rajonin tonë.
"Dy vendet tona kanë ndjekur një rrugë të përbashkët për anëtarësim në NATO. Ndërkohë, Kroacia është shembulli më i mirë i Shqipërisë në rrugën për integrimin e plotë në Bashkimin Evropian. Ne e falënderojmë popullin kroat për mbështetjen pa kushte që na ka dhënë gjithnjë",  ka nënvizuar ministrja Kodheli.
Ajo ka vlerësuar mbështetjen që Kroacia ka dhënë dhe vazhdon të japë për Kosovën, duke qenë konsistente në dëshirën e përbashkët për ta parë atë të integruar në të gjitha iniciativat rajonale.
Duke folur për bashkëpunimin dypalësh, Kodheli vlerësoi si shumë të domosdoshëm shkëmbimin e informacionit, sidomos sa i takon kontrollit të hapësirës ajrore dhe detare, si një mënyrë për të minimizuar fenomenet e paligjshme apo rreziqet që mund të vijnë nga jashtë.
Nga ana e tij, ministri i Mbrojtjes i Kroacisë, Ante Kotromanoviç, ka falënderuar ministren e Mbrojtjes së Shqipërisë, znj. Kodheli për pritjen dhe e garantoi homologen e tij se "Kroacia e mbështet Shqipërinë dhe jep kontributin e saj që ju të fitoni statusin e vendit kandidat".
Gjatë takimit të dy zyrtarët folën për çështje me interes të përbashkët si arsimimi dhe stërvitjet e përbashkëta në kuadër të "Smart Defence", si dhe pjesëmarrja në misione paqeruajtëse kudo në botë. 
Ministri kroat i Mbrojtjes, z. Ante Kotromanoviç, më herët zhvilloi një takim me kryeministrin e Shqipërisë, z. Edi Rama më të cilin diskutuan për marrëdhëniet mes dy vendeve tona, duke i cilësuar ato të shkëlqyera./a.gegvataj/

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Zjarri në magazinën në Kurbin, rrezikohen banesa! Policia bllokon qarkullimin në aksin Milot-Laç

29 Nëntor, 22:51