Kroacia shkatërron një rrjet që trafikonte emigrantë, sekuestrohen 80 mijë euro

Foto ilustruese

Një rrjet trafikimi emigrantësh është shkatërruar në Kroaci ditën e sotme. Policia kroate bën me dije se ky grup ka trafikuar rreth 100 emigrantë nga Bosnje Hercegovina në Kroaci dhe më pas për në vendet e tjera të Evropës. Shtatë anëtarë të grupit janë arrestuar, ndërsa dy prej tyre janë shpallur në kërkim.

“Të dyshuarit pretendohet se kanë bërë komplote për të mundësuar hyrjen e paligjshme të emigrantëve nga Bosnje dhe Hercegovina në Kroaci dhe pastaj në vende tjera”, tha policia kroate.

Në deklaratën e policisë kroate thuhet se në operacionin që u zhvillua në bashkëpunim me policinë boshnjake u konfiskuan rreth 80 mijë euro.

Në rajonin e Ballkanit Perëndimor gjenden mijëra emigrantë të cilët përpiqen të arrijnë në vendet e pasura të BE-së. Kroacia është vend anëtar i Bashkimit Evropian dhe emigrantët aty hyjnë përmes Bosnjës dhe Serbisë. Organizatat për të drejtat e njeriut vazhdimisht e kanë akuzuar Kroacinë për keqtrajtim të emigrantëve të cilët i zënë në kufi.

SI.E./Shqiptarja.com
  • Sondazhi i ditës:

    A ju duket e drejtë që studentët e pavaksinuar të frekuentojnë auditorët duke rrezikuar shëndetin e të tjerëve?

Komento


×

Lajmi i fundit

John

Paradoksi i një elite të korruptuar në Shqipëri: Nga SHBA-të kërkon ‘pavarësi’, popullit i premton demokraci