Policia e Krujës ka gjeture dhe asgjësuar sot 4 mijë rrënjë kanabis sativa, ndërkohë që ka vënë në pranga një person dhe ka shpallur në kërkim një tjetër.

Sipas policisë, në pranga ka rënë Edison Çangu  20 vjeç, pasi gjatë kontrollit të ushtruar në pronën e tij, në fshatin Verion u konstatuan dhe u asgjesuan me anë të djegies rreth  2850 bimë narkotike të dyshuara të llojit  Canabis Sativa.

Gjithashtu, po punohet për kapjen  e shtetasit të shpallur në kërkim: I.S. 41 vjeç, banues në Arrameras, Krujë, pasi gjatë kontrollit të ushtruar në fshatin Arrameras  u gjetën dhe u asgjesuan me anë të djegies rreth 1150  bimë narkotike të dyshuara të llojit  Canabis Sativa.

Redaksia Online
(F.T/shqiptarja.com)