POP 5

Lajmet më të lexuara të 5 minutave të fundit

Kronikë

Krujë, rrëmbehet në Nikël i
përfshiri në vrasjen e Lamajt

Enver Stafuka, i cili u dyshua në vitin 2013 si një nga personat që ka vjedhur automjetin e përdorur në vrasjen e komisarit Dritan Lamaj është rrëmbyer mbrëmjen e djeshme nge 3 persona ende të paidentifikuar. Gjykata e shkallë së Parë në Durrës e ka liruar si të pafajshëm për këtë ngjarje Stafukën më 13 nëntor të vitit 2013.
Vrasja e Dritan Lamajt, tjetër arrestim për makinën e atentatit
Durrës, shpallet i pafajshëm Bejtja dhe Stafuka për makinën me të cilën u vra Lamaj
Krujë, rrëmbehet në Nikël i<br />përfshiri në vrasjen e Lamajt
KRUJE - Zhduket në rrethana misterioze Enver Stafuka, burri që u vu nën akuzë nga Prokuroria e Krimeve të Rënda për grabitjen e BMW-së, nga ku u qëllua për vdekje komisar Dritan Lamaj, me 24 shkurt të dy viteve më parë. Policia e Shtetit, është mjaftuar zyrtarisht vetëm me faktin se ngjarjen e ka denoncuar në polici, vëllai i tij, i cili, sipas policia ka bërë me dije se e kanë rrëmbyer tre persona, duke e futur në një makinë dhe janë zhdukur pa gjurmë.

Mirëpo , ngjarja është shënuar afër mesnatës së të dielës, ndërkohë që bëhet me dije se Stafuka ka qenë në një lokal në dalje të Fushë-Krujës ku ka lëvizur pas përfundimit të ndeshjeve. Policia nuk bën me dije se saktësisht në çfarë zone ka qenë në lokal Stafuka, pasi në zonën në afërsi të shtëpisë së tij dhe ku banon fisi Stafuka nuk ka ndonjë kafene. Të dhënat, për ngjarjen, mësohet se nuk janë deleguar tek policitë kufitare me Krujën, ndërsa mbrëmjen e djeshme, Policia ka qenë mjaft e rezervuar në lidhje me ngjarjen e rëndë.

Rrëmbimi      
Referuar të dhënave të besueshme, bëhet me dije se rrëmbimi i Enver Stafukës, 48-vjeçari nga Larushk i Niklës, ka ndodhur sapo ai ka dalë nga një lokal i periferisë së Fushë-Krujës. Ka qenë momenti kur Stafuka është nisur i vetëm drejt shtëpisë së tij, shtëpi e cila gjendet rreth 500 metër larg rrugës nacionale Kamëz-Fushë-Krujë.

Rruga që të fut për në lagjen ku banojnë fisi Stafuka, në fakt është një rrugë e ngushtë, rrugë e pamundur që të kthehet mjet për të ridalë në rrugë, pa përfunduar në oborrin e ndonjë banese, për pasojë, i bie që rrëmbimi të ketë ndodhur në rrugën nacionale. Policia e Durrësit, bëri me dije mbrëmë, se kanë nisur kërkimet në një sërë zonash, ndërsa gjithçka po mbahet top-sekret, në lidhje me informacionin mbi momentin e rrëmbimit. Sipas të dhënave, kanë qenë persona të lokalit, që kanë parë të rrëmbehej Stafuka.

Hetimi  
Dy janë pistat në të cilat është fokusuar policia për të kuptuar shkaqet e rrëmbimit të Stafukës; ajo e ndonjë borxhi të pashlyer, ose përfshirja e tij në hetimet dhe dyshimet për grabitjen e makinës që u përdor për vrasjen e Dritan Lamajt. Në fakt, për këtë të fundit, Stafuka u shoqërua 7 herë dhe një herë edhe u arrestua, u gjykua, por asnjëherë nuk pranoi dhe nuk iu vërtetua të ishte i përfshirë në atë ngjarje. Aso kohe Stafuka i tha Gjykatës se nëse vërtetohej diçka e tillë, ai kërkonte të dënohej me burgim të përjetshëm.

Redaksia Online
(a.h/sqiptarja.com)

  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

VIDEO/ Çudira nga Kameruni, lojtarët marrin paratë në dorë para ndeshjes

VIDEO/ Çudira nga Kameruni, lojtarët marrin paratë në dorë para ndeshjes

22 Dhjetor, 21:27