KRUJE - U shkon për vizitë ngushëllimi për vdekjen e babait dhe plagos tre vellëzerit. Personazhet e kësaj historie janë familjarë të fisit Çangu në Vrion të Niklës në Fushë Krujë. 

Pas ceremonisë së varrosjes së babait të tyre, 66 vjecari Ali Çangu dhe vëllëzërit e tij Dashamir Çangu dhe Bajram Çangu kanë debatuar me kushëririn e tyre, Estref Çangu 48 vjec me të cilin kishin konflikte të mëparshme edhe për pronësinë e një toke. 

Estref Çangu ka nxjerrë pistoletën dhe ka qëlluar në drejtim të kushërijnve të tij, duke i lënë të plagosur, më pas është larguar në drejtim të paditur. Të plagosurit janë dërguar në spitalin e Fushë-Krujës ku ndodhen nën kujdesin e bluzeve të bardha.

Policia ka arritur të arrestojë pak orë pas ngjarjes, autorin Estref Çangu i cili u kap disa km larg fshatit Vrion. Nga unifomat blu të Durrësit bëhet e ditur se Estref Çangu dhe
Bajram Çangu kanë që të dënuar më parë për lëndë narkotike.

Bajram Çangu ka qënë i dënuar me 6 muaj dhe nga këto ka bërë vetëm 30 ditë, ndërsa Estref Cangu ka qënë i dënuar 30 ditë për të njëjtën cështje dhe ka bërë vetëm 3 ditë. 

Policia dyshon se shkak i konflitit mes tyre dhe plagosjes së tre vëllezërve të jetë prishja e pazareve për lëndën narkotike.

Redaksia Online
(e.s/shqiptarja.com)