POP 5

Lajmet më të lexuara të 5 minutave të fundit

Kultura

Krujë/ Zhduken afresket 1200-vjeçare në Kishën e Dervenit, Ministria e Kulturës e la në harresë! Eksperti: Përmbytet nga uji, të shpëtohet ky monument

Afresket e zbuluara 17 vite më parë në kishën e Dervenit në Krujë nuk ekzistojnë më. Ato janë shkatërruar pasi Ministria e Kulturës nuk tregoi asnjë kujdes për të ruajtur objektin e kultit, monument kulture. Sot nga kisha 1200-vjeçare kanë mbetur veç disa rrënoja të degraduara.

Mbuluar nga ferrat, pak kush e di se këto rrënoja në fshatin Derven të Krujës i përkasin Kishës së Shën Gjon Pagëzorit, që daton në shekujt XIII-XIV.

Muret u zbuluan në vitin 2006, kur po hidheshin themelet e kishës së re të Dervenit.  Asokohe arkeologët gërmuan dy metra thellësi dhe nxorën në dritë afresket e mrekullueshme, të cilat ishin ruajtur në gjendje shumë të mirë për shekuj te tere nen toke. Afresket e zbuluara 17 vite më parë sot nuk ekzistojnë më, pasi shteti nuk tregoi asnjë kujdes.

“Gjendja e këtij objektit të kultit vazhdon të jetë e njëjtë. Kur ka reshje përmbytet nga uji. Ministria e Kulturës s’ka marrë asnjë masë se është monument i kategorisë së parë. Meqenëse është lënë në harresë vetë kisha katolike duhet të marrë iniciativë të paraqesë projekt për të shpëtuar nga rrënimi I plotë këtë monument”, thotë Paulin Zefi, ekspert i Monumenteve të Kulturës

Në vitin 2006 gërmimet arkeologjike ishin ndërprenë për mungesë fondesh dhe muralet nuk u konservuan. Sot ato janë zhdukur dhe bashkë me to një pjesë e historisë së kësaj zone. Instituti Kombëtar i Trashëgimisë Kulturore në varësi të Ministrisë së Kuturës e la në degradim kishën 1200-vjeçare.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 26/11/2023 04:54

    Nuk eshte ministria e kultures,por e injorances,kurse kisha katolike qe minimalisht mund t'a mbulonte me ndonje barake te thjeshte, nuk ka kohe te merret me keto vogelsira pa rendesi,se prioritet i saj jane filmat e kohes se Xhaxhit e ylli i kuq!

    Përgjigju
  • sapa: 25/11/2023 18:28

    Hajdutet nuk kane interes ne keto gjera antike.

    Përgjigju
  • Lala: 25/11/2023 16:28

    Të shkretët ne...

    Përgjigju
  • Medet: 25/11/2023 15:56

    U bene ndonje foto per kujtim te pakten?

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Spahiu: Meqë Berisha kërkon qeveri teknike me PS, uroj që Rama ta bëj ministër 4 vite

Spahiu: Meqë Berisha kërkon qeveri teknike me PS, uroj që Rama ta bëj ministër 4 vite

27 Nëntor, 22:41