SHKODËR- Me ftesë të kryetarit të Bashkisë Shkodër, Lorenc Luka, kreu i Bashkisë Iskydar në Turqi, Hilmi Turkmen, zhvilloi një vizitë në bashkinë e qytetit verior. I shoqëruar edhe nga një staf  i zgjeruar i  administratës së tij, kryebashkiaku turk, Turkmen, diskutoi me homologun e tij në lidhje me zgjerimin e bashkëpunimit në mes dy bashkive përkatëse.

Në vijim, biseda rreth një orëshe në mes përfaqësuesve të dy bashkive përkatëse është fokusuar më tepër në planin e investimeve, aty ku turqit kanë qënë edhe më të interesuar, madje duke vënë në dukje se kanë në dispozicion edhe projekte konkrete për këtë qëllim.

Marrë nga "ATSH"