Kryemadhi, gjatë fjalës së mbajtur, përpos falenderimit, ka thënë se, sëbashku më gjithë shqiptarët do të punojnë për të shkulur oligarikinë e drejtuar nga Edi Rama.
“Veç falenderimit, iu shpreh njëkohësisht mirënjohjen e thellë përpërkushtimin, vendosmërinë dhe qëndresën në 25, 26 dhe 27 qershor, për ditët dhe netët e lodhshme të kaluara në ruajtjen dhe numërimin e votave për LSI.
Ne lindëm si forcë opozitare dhe si e tillë do të rritemi e forcohemi më shumë e me shpejt, për të qenë syri dhe zëri denoncues i çdo tentative për të kriminalizuar dhe zhytur më keq në korrupsion Shqipërinë.
Ndaj, së bashku, do të punojmë çdo ditë për të qenë alternativa e re, forca që do u japë besim pa kushte të gjithë shqiptarëve për të shkulur nga rrënjët sistemin e oligarkëve të pushtetit që drejtohet nga Edi Rama”, u shpreh Kryemadhi gjatë takimit.
Redaksia Online
Er.K/Shqiptarja.com