POP 5

Lajmet më të lexuara të 5 minutave të fundit

Politikë

Kryemadhi i bashkohet protestës tek 'Astiri': Të dëmshpërblehen banorët, kanë 22 vjet që paguajnë çdo lloj takse

Kryetarja e Lëvizjes Socialiste për Integrim, Monika Kryemadhi ka marrë pjesë ditën e sotme në protestën e banorëve të zonës së “Astirit”. Gjatë fjalës së saj, Kryemadhi ka sqaruar edhe mungesën e saj në protestat e mëparëshme të banorëve.

TIRANË- Kryetarja e Lëvizjes Socialiste për Integrim, Monika Kryemadhi ka marrë pjesë ditën e sotme në protestën e banorëve të zonës së “Astirit”.

Në fjalën e saj para banorëve, Kryemadhi i ka bërë thirrje kryeministrit të vendit që të dëmshpërblejë prishjen e shtëpive të banoëve të zonës.

Të dëmshpërblehen se kanë 22 vjet që paguajnë çdo lloj takse. Edi Rama kërkon të vjedhë pronën dhe paratë e shqiptarëve. Është i papërgjegjshëm dhe kriminal. Nuk spostohet rruga nga pallatet por nga hallexhinjtë. Ne nuk do e tolerojmë këtë gjë.

Monika Kryemadhi, kryetare e LSI-së

Më tej, Kryemadhi ka sqaruar edhe mungesën e saj në protestat e mëparëshme të banorëve.

Kemi qëndruar në distancë por gjithmonë për t’ju përkrahur. Më kërkuar sot dhe erdha. Nuk kam asnjë dyshim që janë me të drejtën e zotit. I bëjmë thirrje që të mos guxojnë të afrohët pranë shtëpive të qytetarëve.

Monika Kryemadhi, kryetare e LSI-së

Banorët e Astirit kanë hyrë sot në ditën e 17-të të protestës së tyre pasi kërkojnë dëmshpërblim në vlerën e tregut për banesat e tyre. Më datë 15 nëntor, ata protestuan përpara Bashkisë së Tiranës, duke hedhur molotov, tymuese dhe duke tentuar të futen me forcë brenda bashkisë.

Për projektin e "Unazës së Madhe" parashikohet që të prishen 317 objekte, 163 prej të cilëve janë në proces legalizimi dhe do të skualifikohen dhe 123 janë me vërtetime pronësie. Mes banesave që janë prekur nga plani dhe pritet që të prishen është edhe ajo e Nexhmije Hoxhës,bashkëshortes së ish-udhëheqësit komunist, Enver Hoxha. 

Ditën e djeshme, Autoriteti Rrugor Shqiptar i bëri thirrje të gjithë banorëve që preken nga ndërtimi i Unazës së Re dhe nuk kanë marrë ende kontakt me ARRSH-në, të paraqiten pranë institucionit me të gjitha dokumentet përkatëse. 

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Veseli: 21/11/2018 09:53

    Shit nji nga ato pronat e tuja( vilen tek gjiri i lalzit) qe i ke te fshehura dhe kompensoji me paret e tuja, boll e keni rrjep kete popull..nuk ka pse paguhen nga taksat tona..

    Përgjigju
  • Ver Llapa: 20/11/2018 18:11

    Une ja mbeshtes Monikes.

    Përgjigju
  • Donela: 20/11/2018 15:04

    Po ku mer vesh kjo trularaske nga taksat,o ka mbetur ky vend ne dore te kesaj baxhelle.

    Përgjigju
  • Erik: 20/11/2018 14:15

    Cfare takse kane paguar?

    Përgjigju
  • Like: 20/11/2018 13:56

    Po cfar takse kane peguar ata moj ,qe do ti vesh flakan Shqiperise,kur taksa per pronat e paluajtshme akoma nuk eshte vendosur ???!!!! Sipas jush I bie te mos zbatohet ligji ,por te fitojne te fortet e te shkathtit Jo nuk behet Shqiperia keshtu , Ju si puna e ujkut qe kerkon vetem mjergull

    Përgjigju
  • Populli: 20/11/2018 10:27

    Po po te demshperblehen banore,se na duhet ndonje vote pa per keqardhje nuk behet fjale.

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

'Ata ishin 2 autorë!' Policia do të rimarrë në pyetje babain e shokut të Martinit: I dyti ka pasur thikë më të vogël

'Ata ishin 2 autorë!' Policia do të rimarrë në pyetje babain e shokut të Martinit: I dyti ka pasur thikë më të vogël

24 Nëntor, 12:44