Kryemadhi:Qeveri e vogël por do
të jetë me korrupsion të madh

“Kemi një qeveri të vogël por jemi të bindur që do jetë me korrupsion të madh. Lufta e LSI-së do jetë frontale për të adresuar dhe zgjidhur problemet, Lufta jonë do të jetë frontale” kështu u shpreh kryetarja e LSI-së Monika Kryemadhi gjatë një  aktiviteti të organizuar për 13-vjetorin e krijimit të kësaj force politike.

Në fjalën e saj para medieve Kryemadhi u shpreh se  rreth 225 mijë votues  i besuan votën LSI  edhe pse kanë qënë përballë presionit të policisë.

“Zgjedhjet e 25 qershorit edhe pse të deformuara, 225 mijë votuesit kanë qenë heronj që edhe përballë presionit dhe policisë së kriminalizuar i besuan LSI-së. Përgjegjësia sociale ka qenë motoja e LSI-së që në themelimin e saj. Grupi parlamentar do të jetë shumë aktiv, me nisma jo vetëm në shërbim të qytetarëve”, deklaroi Kryemadhi ku së bashku me të rinjtë kanë mbjellë pemë në fushën e Aviacionit në Tiranë.


Redaksia Online
e.m/Shqiptarja.com