POP 5

Lajmet më të lexuara të 5 minutave të fundit

Kosova & Rajoni

Kryeministri maqedonas, takon familjen shqiptare në SHBA: Janë shembull suksesi

Kryeministri i Maqedonisë së Veriut, Hristijan Mickoski, gjatë vizitës në SHBA ka zgjedhur të takojë një familje shqiptare për të treguar një shembull suksesi të qytetarëve nga vendi i tij që kanë emigruar jashtë vendit

Kryeministri maqedonas, takon familjen shqiptare në SHBA: Janë shembull suksesi

Hristijan Mickoski, në SHBA

Kryeministri i Maqedonisë së Veriut, Hristijan Mickoski, gjatë vizitës në SHBA ka zgjedhur të takojë një familje shqiptare për të treguar një shembull suksesi të qytetarëve nga vendi i tij që kanë emigruar jashtë vendit.

Përmes një postimi në Facebook, Mickoski, tregon s ka zhvilluar një takim me familjen Rusi, të cilët janë me prejardhje nga Dibra dhe prej vitesh jetojnë e punojnë në SHBA.

“Në kuadër të vizitës sime në SHBA, unë dhe kolegët e mi u takuam me familjen Rusi, një familje e njohur shqiptare nga Dibra, e cila prej disa brezash jeton dhe punon në SHBA. Ata janë shembull i shqiptarëve të suksesshëm nga Maqedonia që nuk e kanë harruar atdheun e tyre dhe duan të ndihmojnë përparimin e tij”, shprehet Mickoski.

Kryeministri gjithashtu shprehet se kanë diskutuar për mundësitë për forcimin e lidhjeve mes diasporës dhe Maqedonisë, si dhe për projekte që do të sjellin përfitime për të gjithë qytetarët.

“Diskutuam për mundësitë për forcimin e lidhjeve mes diasporës dhe Maqedonisë, si dhe për projekte që do të sjellin përfitime për të gjithë qytetarët. Besoj se vetëm të gjithë së bashku, pavarësisht nga përkatësia etnike, mund të punojmë së bashku për të ndërtuar një Maqedoni stabile dhe të begatë. Ne kemi nevojë për të gjithë ata që mund të kontribuojnë, si në vendlindje ashtu edhe nga diaspora, për të krijuar të ardhmen që meritojmë”, thuhet më tej në postim.

Xh.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Rruga e Dibres: 23/01/2025 20:41

    Nga 11 persona ne foto,vetem nje eshte femer (!?) .... A ju ben pershtypje ? Rruga e Dibres

    Përgjigju
  • Sondazhi i ditës: 23 Janar, 09:41

    Secila parti në zgjedhje me 46 deputetët e parë të fiksuar, si e vlerësoni?

Lajme të tjera



×

Lajmi i fundit

Zgjedhjet/ Zaloshnja: Betejë vetëm për 48 mandate, 92 deputetë i caktojnë Berisha e Rama

Zgjedhjet/ Zaloshnja: Betejë vetëm për 48 mandate, 92 deputetë i caktojnë Berisha e Rama

23 Janar, 22:41