Fondit të buxhetit për vitin 2011 për Kryeministrinë i është shtuar dhe një shumë prej 100 milionë lekësh të vjetra. Bëhet fjalë për vendosjen e ashensorit në godinën tre katëshe.

Vendimi është botuar dje në fletoren zyrtare ndërsa bëhet e ditur se ky vendim nga ana e kryeministrit Sali Berisha është firmosur më 4 dhjetor. Vendimi thotë:

"1. Kryeministrisë, në buxhetin e miratuar për vitin 2011, zëri "Investime", t'i shtohet fondi prej 10 000 000 (dhjetë milionë) lekësh, për përballimin e shpenzimeve për blerje ashensori. 2. Ky fond të përballohet nga fondi rezervë i Këshillit të Ministrave".