POP 5

Lajmet më të lexuara të 5 minutave të fundit

Politikë

Kryeparlamentari turk, Xhemil
Çiçek sot vizitë zyrtare në Shqipëri

Kryeparlamentari Turk Cemil Çiçek (Xhemil Çiçek) sot do të jetë në Tiranë në kuadër të një vizite dy ditore në Shqipëri. Ai pritet të takohet me homologun e tij shqiptar si dhe krerët e tjerë të vendit.
Kryeparlamentari Turk Cemil Çiçek (Xhemil Çiçek) sot do të jetë në Tiranë në kuadër të një vizite dy ditore në Shqipëri.

Kreun e Parlamentit turk, Çiçek do ta shoqërojë bashkëshortja e tij dhe një delegacion i përbërë nga deputetë të Parlamentit të Turqisë brenda të cilëve ndodhet edhe kryetari i Grupit Parlamentar i Miqësisë Shqipëri - Turqi Rifat Said.

Çiçek dhe delegacioni që e shoqëron pritet të mbërrijë rreth orës 11:00 në Aeroportin Nënë Tereza ku do të pritet nga Ambasadori i Turqisë në Shqipëri, Hidayet Bayraktar (Hidajet Bajraktar), nënkryetari i Parlamentit të Shqipërisë dhe Kryetari i Gurpit Parlamentar të Miqësisë Shqipëri Turqi, Blendi Klosi.

Në ditën e parë të vizitës së tij Çiçek pritet të takohet me homologun e tij Shqiptar İlir Meta, ndërkohë pas këtij takimi ai do të bëjë një shëtitje të shkurtër në qytetin e Tiranës.

Më pas Kryeparlamentari Turk pritet të zhvillojë një vizitë në qnedrën kulturore Turke "Yunusemre" ku pritet të takohet me bashkombasit e tij që jetojnë dhe punojnë në Shqipëri.

Ndërsa në ditën e dytë të vizitës së tij zyrtare në Shqipëri, Çiçek pritet të takohet me Kryeministrin e vendit Edi Rama, Presidentin Bujar Nishani si dhe liderin e opozitës Lulzim Basha.

Po në ditën e dytë të vizitës së tij Çiçek pritet të bëjë një vizitë të shkurtër në qytetin e Durrësit ku pritet të takohet edhe me Kryetarin e Bashkisë së këtij qyteti Vangjush Dako.

Pas vizitës së tij në Durrës Kryeparlamentari Turk Çiçek pritet të përfundojë vizitën e tij dy ditore në Shqipëri me një vizitë të shkurtër në kalanë e Prezës.

Anadolu Agency

Redaksia Online
(Shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Ngecën në rrugën e vjetër Korçë - Ersekë, policia u shkon në ndihmë 13 qytetarëve

Ngecën në rrugën e vjetër Korçë - Ersekë, policia u shkon në ndihmë 13 qytetarëve

12 Janar, 23:13