POP 5

Lajmet më të lexuara të 5 minutave të fundit

Politikë

Kryesia e PS,Rama:Nisim betejën
me fitoren e zgjedhjeve të 2017

Faqja zyrtare e Partisë Socialiste PS.al ka publikuar fjalën e kryeministrit Rama në mbledhje me dyer të mbyllura. Kryesia nis betejën me fitoren e zgjedhjeve të 2017 ka thënë kryeministri Rama ndërkohë që në mbledhje diskutoheshin kriteret për përzgjedhjen e kryetarëve të degëve dhe kalendarin e festimeve të 25 vjetorit të themelimit të Partisë  VIDEO
Kryesia e PS,Rama:Nisim betejën<br />me fitoren e zgjedhjeve të 2017
Partia socialiste në mbledhjen e parë të kryesisë pas Asamblesë ka patur në fokus zyrtarizimin e kandidatëve e të gjithë degëve si dhe miratimin e kalendarit të festimeve për 25 vjetorin e themelimit të Partisë.
 
Në fjalën e tij së bashku me sekretarët e sapozgjedhur kryeministri Rama ka theksuar se beteja nis me fitoren në zgjedhjet e ardhshme parlamentare.
 
"Kjo kryesi e nis detyrën me një objektiv madhor afatshkurtër, në fitoren e zgjedhjeve të qershorit të vitit 2017. Eshtë një objektiv afatshkurtër. Sot një vit jemi në sprintin final të mandatit dhe në prag të finishit elektoral, çdo ditë e kësaj periudhe deri ditën e zgjedhjeve të PS-së është një ditë në funksion të zgjedhjeve. Fushata e antarësimeve të reja duhet të hyjë në një fazë të re ku cdo anëtar duhet të jetë protagonist. Objektivi i 150 mijë anëtarëve është i arritshëm."-tha Rama

Ai theksoi se fokus i PS duhet të jetë rritja e numrit të anëtarësimeve të reja në mënyrë që ai të shkojë në 150 mijë brenda qershorit të ardhshëm.

"Fushata e antarësimeve të reja  duhet të hyjë në një fazë të re ku çdo anëtar duhet të jetë protagonist. Objektivi i 150 mijë anëtarëve në këtë vit jubilar është i arritshëm. Kjo rritje nuk është aspak qëllim në vetvete, nuk është një rritje mekanike por një shtrirje kapilare e organizatës socialiste në çdo shtresë e grup.Reformimi i strukturës sociale të organizatës, përbërjen e saj është domosdoshmëri jetike në këtë rritje. Ndryshe rritja për rritje mund të jetë e dëmshme.Nuk është simbolike por edhe përmbajtësore që në këtë fazë të re të fushatës së anëtarësimeve e gjitha të zhvillohet në zinxhirin e kremtimesh e refleksionesh deri në ditën e festës së 25-vjetorit" tha ai.

Kryeministri Rama, njëkohësisht edhe kryetari i Partisë Socialiste ka renditur një sërë reformash të cilat janë vënë në zbatim nga ana e qeverisë së drejtuar prej tij, të cilat sipas Ramës kanë shtirë shinat e krijimit të një shteti ligjor që i mungoi kësaj gjenerate, por që gjenerata tjetër nuk do ta vuajë.

Nga ana tjetër, Rama ka thënë se Reforma në Drejtësi ka ardhur koha që ti jepet drejtim, në mënyrë që të mos shkatërrohet e gjithë puna e bërë për reformimin e të jgithë sektorëve dhe krijimit të një shteti ligjor, ndërkohë që ka shtuar se Partia demokratike duhet t'i japë fund lojërave dhe justifikimeve të saj.

"E dimë mirë se e gjitha ka nevojë për reformën në drejtësi siç duhet. Pa këtë reformë gjitha reformat e tjera për shtet ligjor kërcënohen seriozisht ndoshta për tu kthyer edhe njëherë mbrapsht nga e para. Ne jemi të vendosur ta çojmë deri në fund këtë proces.Ajo do të jetë e shkruar me partnerët tanë ndërkombëtar dhe Komisionit të Venecias.Ka ardhur koha që ta shtyjmë përpara procesin dhe pala jonë në komision duhet të këmbëngulë që procesi të mos rrijë në vend dhe palët të ballafaqohen me të vërtetën. Loja që PD ka organizuar me alibi e justifikime nuk mund të vazhdojë pafund.Ka ardhur koha që të gjitha palët të ballafaqohen me të vërtetën.Është momenti për ta shtyrë përpara" përfundoi Rama. 

Ndërkaq kryesia e PS  e cila u mbajt për më shumë se dy orë në selinë rozë, mori të paktën katër vendime  të cilat u  zbardhën nga Sekretari  për Organizmin Digital Alfred Peza.

“Në mbledhjen e parë të konstituimit të Kryesisë së re të Partisë Socialiste u morën katër vendime. Vendimi i parë ka qenë miratimi i kalendarit dhe udhëzimit, të bazuar në Statutin e Partisë Socialiste, për gjithë procesin e përzgjedhjes së gjithë kryetarëve të rinj të Partisë Socialiste në 61 bashkitë e vendit, sipas ndarjes së re administrativo-territoriale. Vendimi i dytë ishte programi për festimet e 25 vjetorit të themelimit të Partisë Socialiste, ku ka një program të detajuar për të gjithë eventet që do të zhvillohen. Të cilat do të kulmojnë me kremtimin e aktivitetit kryesor në përkujtim të çerek shekulli të krijimit të partisë politike më të madhe në Shqipëri. Vendimi i tretë ishte vendimi për mbledhjen e Kryesisë së Partisë Socialiste të martën e parë të çdo muaji, duke zbatuar në këtë mënyrë një nga pikat e rëndësishme të Statutit të Partisë Socialiste.Vendimi i katërt ka të bëj me emërimin e zëdhënësve të rinj politik të Kryesisë së Partisë Socialiste, të cilët janë zonja Elisa Spiropali dhe Alfred Peza” tha ai.
 

Faqja zyrtare e Partisë Socialiste PS.al ka publikuar fjalën e kryeministrit Rama në mbledhje me dyer të mbyllura.

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Puna e SPAK në 2024, Dervishi: Po u zbardh çka ndodhur me Ervis Martinajn bie piramida e krimit! Petraj: Si u privatizua CEZ do hap 'Kutinë e Pandorës'

Puna e SPAK në 2024, Dervishi: Po u zbardh çka ndodhur me Ervis Martinajn bie piramida e krimit! Petraj: Si u privatizua CEZ do hap 'Kutinë e Pandorës'

25 Dhjetor, 18:54