Kryetari i bashkisë së Tropojës në SPAK, Rexh Byberi: Nuk u pyeta për McGonigal, e kam prit dhe e dua si mik

Për më shumë se një orë, SPAK mori në pyetje kryebashkiakun e Tropojës, Rexh Byberi. Nuk dihet saktësisht çështja për të cilën ai është thërritur, pasi ndaj Byberit ka disa kallëzime, të rreth 300 qytetarëve të zonës së tij, që e kanë denoncuar për favorizim të familjarëve dhe shpërdorim detyre.

Madje njërit prej familjarëve të tij i ka dhënë të drejtën të ndërtojë një HEC. Megjitthatë në dalje, Byberi tha se u pyet për disa gjëra, por pa treguar se për çfarë konkretisht. Pyetjes së gazetarëve nëse u pyet për McGonigal, të cilin e ka shpallur qytetar nderi të Tropojës, Biberi u përgjigj:

“E kam prit si mik, e dua si mik dhe jam krenar që Tropoja pret miq dhe i respekton”.. Nuk jam pyetur për McGonigal por për çështje të tjera”

Ish-zyrtari i lartë amerikan është nderuar si "Qytetar Nderi" më 23 shtator 2021 nga Bashkia e Tropojës dhe kryebashkiaku socialist Rexh Byberi. Kujtojmë se Gjykata federale e Uashingtonit dënoi në shkurt të këtij viti me 28 muaj burgim ish-zyrtarin e FBI-së Charles McGonigal, “për shkelje të rëndë të besimit të publikut”, lidhur me 225 mijë dollarët që mori nga shqiptaro-amerikani Agron Nezaj dhe mosdeklarimin e kontakteve me zyrtarë të Shqipërisë

 

S.G/S.Ç/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A besoni se SPAK do të bëjë drejtësi për 21 janarin?



×

Lajmi i fundit

Himarë/ Humb kontrollin e jet ski dhe rrëzohet në det, lëndohet 33-vjeçari

Himarë/ Humb kontrollin e jet ski dhe rrëzohet në det, lëndohet 33-vjeçari