“Serbia nuk do të imponojë sanksione kurrë ndaj Rusisë, sepse ato nuk kanë sjellë asnjëherë asgjë të mirë. Janë njerëzit e thjeshtë ata që vuajnë për shkak të sanksioneve ndërkombëtare dhe ne e dimë se dialogu dhe vetëm ai mund të zgjidhë problemet”- theksoi Gojkoviç.
Kryeparlamentarja serbe shtoi se edhe pse vendi kërkon të bashkohet me bllokun 28 anëtarësh, një vendim i tillë nuk do të bëhet pengesë për zhvillimin e marrëdhënieve të mëtejshme vëllazërore me Rusinë.
“Ne i jemi mirënjohës Rusisë për mbështetjen në këtë rrugë. Edhe nëse Serbia anttarësohet në BE, Rusia do të ketë një mik të sinqertë dhe partner të besueshëm në këtë organizatë”, tha kryetarja e parlamentit serb. Pak javë më parë, Komisioneri Europian për Zgjerim, Johannes Hahn tha se BE pret që Serbia të sjellë gradualisht politikën e saj të jashtme drejt asaj që ndjek unioni, përfshirë dhe politikave ndaj Rusisë.
Redaksia Online
(a.h/shqiptarja.com)
