POP 5

Lajmet më të lexuara të 5 minutave të fundit

‘Kthim mbrapa’ nga SHBA-të me vendimin për abortin

Shtetet e Bashkuara janë duke shënuar kthim mbrapa në të drejtat e grave, pas vendimit të fundit të Gjykatës Supreme që shfuqizon të drejtën e abortit, ka thënë Sekretari amerikan për Shëndetësi, Xaver Becerra.

‘Kthim mbrapa’ nga SHBA-të me vendimin për abortin

Foto ilustruese

Shtetet e Bashkuara janë duke shënuar kthim mbrapa në të drejtat e grave, pas vendimit të fundit të Gjykatës Supreme që shfuqizon të drejtën e abortit, ka thënë Sekretari amerikan për Shëndetësi, Xaver Becerra.

Ai i ka thënë transmetuesit britanik BBC se beson që Shtetet e Bashkuara janë duke “bërë kthim mbrapa” derisa pjesa tjetër e botës shkon përpara.

Komentet e tij vijnë teksa Shtëpia e Bardhë përballet me presion në rritje për të kundërshtuar vendimin për abortin.

Me vendimin e Gjykatës Supreme, aborti nuk është bërë me automatizëm ilegal në SHBA – mirëpo shtetet mund të vendosin nëse do të lejojnë diçka të tillë.

Rreth 26 shtete pritet të vendosin ndalesë apo të kufizojnë abortin në javët në vijim.

Të paktën shtatë shtete brenda SHBA – të banuara nga 16 milionë gra në moshë riprodhimi – tashmë kanë vënë ndalesa, prej kur Gjykata Supreme ka shfuqizuar ligjin Roe v Wade, siç njihet ndryshe vendimi që ka garantuar abortin për gati 50 vjet në territorin amerikan.

Aktivistët kundër abortit janë gëzuar pas vendimit të Gjykatës Supreme, mirëpo Becerra ka thënë se ai kufizon të drejtat e grave.

“Ky vendim ka shfuqizuar të drejtat me të cilat janë rritur gratë që tani janë në moshë riprodhimi”.

Becerra ka thënë se beson që aborti do të jetë temë kyçe në zgjedhjet për Kongresin amerikan, që mbahen në nëntor të këtij viti.

Presidenti amerikan, Joe Biden, është zotuar se do të bëjë gjithçka që mundet për të mbrojtur të drejtat e abortit, mirëpo veçse është duke u përballur me kritika brenda partisë së tij se nuk është duke bërë mjaftueshëm./REL

S.C/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Mars, 08:44

    Zgjedhjet e 11 majit, cila listë e kandidatëve iu bind më shumë?

Lajme të tjera



×

Lajmi i fundit

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

13 Mars, 22:50