Kthjellime dhe rritje temperaturash, parashikimi i motit për ditën e sotme

Vendi ynë do të karakterizohet nga kthjellime dhe kalime te pakta vranësirash në zonat malore.

Sipas MeteoAlb vendi ynë do të dominohet në pjesën më të madhe të tij nga kushtet e qëndrueshme atmosferike, ku parashikohet që në orët e para të ditës të kemi mbizotërim të kthjellimeve në ultësirën perëndimore dhe kalime të pakta vranësirash në zonat malore. Ndërsa orët vijuese sjellin vranësira të lehta në territor, ku më të fokusuara do të jenë në zonat malore duke krijuar mundësi për shira të izoluara në zonat Veriore dhe pjesërisht Qendrore.

Temperaturat e ajrit do të rriten në mëngjes dhe në mesditë duke luhatur vlerat ditore nga 9°C deri në 31°C.

Era do të fryjë e mesatarisht në det me shpejtësi mbi 35 km/h nga drejtimi Verior duke krijuar dallgëzim mbi 2 ballë.

Rajoni dhe Europa

Vijojnë reshjet e shiut të jenë prezente në Europën Lindore dhe në Skandinavi, KU herë pas here do të ketë dhe mini stuhi ere. PO_ashtu me reshje të pakta shiu do të ketë pjesërisht Qëndra e kontinentit, Ballkanin Qëndror dhe Verior. Ndërsa pjesa tjetër e Europës Jugore do të jetë me mot të qëndrueshëm, KU më të dukshme kthjellimet do të jenë në Gadishullin Iberik. PO ashtu me kthjellime dhe vranësira kalimtare do të jetë Britania e Madhe.

M.Q./KT/Shqiptarja.com

TAG:
• moti