POP 5

Lajmet më të lexuara të 5 minutave të fundit

Sociale

Ku do e kalojnë natën e ndërrimit të viteve shqiptarët? Durrësi sërish ‘i përkëdheluri’, mbi 5 mijë rezervime në hotele për natën gala

Durrësi mbetet ndër qytetet më të preferuara në vend për të kaluar natën e ndërrimit të viteve. Resortet e hotelet e vijës bregdetare kanë marrë rezervime të shumta jo vetëm nga vendasit por dhe nga turistë të huaj

Menu e përzgjedhur me mjaft kujdes, muzikë live, numra humori, si dhe shumë surpriza të tjera i presin qytetarët në hotelet dhe resortet e Durrësit.

Strukturat akomoduese janë shumë të kënaqura me rezervimet, sidomos për natën gala të Vitit të Ri.

“Për datën 31 Dhjetor jemi 100 të rezervuar! Ndryshe nga vitet e tjera kemi dhe të huaj, bullgarë e sllovenë, të cilët kanë bërë paketë 3 ditore”, tha Blerim Norja administrator i një hoteli në Durrës.

Pjesa më e madhe e qytetarëve që nuk do t’i kalojnë festat në shtëpi kanë rezervuar jo vetëm mbrëmjen gala, por edhe qëndrimin në hotele në datat 1 dhe 2 janar.

“Zakonisht klientët nga Durrësi apo Tirana e kanë traditë të festojnë më datë 31 dhjetor në darkë, ndërsa shqiptarët e Kosovës zakonisht vijnë në datat 1 dhe 2 janar”, tha me tej Norja.

Shifrat paraprake flasin për afërsisht 5000 rezervime në hotelet e restorantet e Durrësit për mbrëmjen gala të 31 dhjetorit. Çmimet variojnë sipas menusë, nis nga 50€ për person deri në 150€ për person.

Operatorët turistikë thanë se përpos vendasve, në Durrës do të festojnë dhe shumë turistë të huaj, sidomos nga vendet e Ballkanit.  

G.MO/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Dita Ndërkombëtare e Emigrantëve, Balla: Mirënjohje shqiptarëve që 33 vjet më parë u nisën në kërkim të një jete më të mirë

Dita Ndërkombëtare e Emigrantëve, Balla: Mirënjohje shqiptarëve që 33 vjet më parë u nisën në kërkim të një jete më të mirë

18 Dhjetor, 12:51