POP 5

Lajmet më të lexuara të 5 minutave të fundit

Sport

Kualifikimi larg, Kombëtarja U-21 e mbyll grupin në vendin e katërt! Shqipëria mposht 1-0 Armeninë

Shqipëria U-21 triumfoi 1-0 ndaj Armenisë U-21 në stadiumin “Air Albania” duke e mbyllur me fitore edicionin kualifikues të “EURO 2025”.

Kualifikimi larg, Kombëtarja U-21 e mbyll grupin në vendin e katërt! Shqipëria mposht 1-0 Armeninë

Kombëtarja U21

Shqipëria U-21 triumfoi 1-0 ndaj Armenisë U-21 në stadiumin “Air Albania” duke e mbyllur me fitore edicionin kualifikues të “EURO 2025”.

Kuqezinjtë zhvilluan një ndeshje shumë të mirë, dominuan takimin dhe krijuan raste të shumta shënimi, por sfida u vendos nga një autogol në minutën e 57-të.

Shqipëria U-21 e nisi me këtë formacion titullar ndeshjen ndaj Armenisë: Simon Simoni (GK), Geralb Smajli, Adrian Bajrami (C), Leandro Frroku, Ermir Rashica, Tim Civeja, Arlind Rexhepi, Cristian Shpendi, Elmando Gjini, Marcelino Preka, Elton Fikaj.

Skuadra kuqezi e nisi shumë mirë ndeshjen duke kontrolluar mirë topin dhe duke tentuar portën kundërshtare. Që në minutën e 10-të Shpendi u shfaq rrezikshëm në zonë dhe provoi me një goditje, por u ndal nga portieri.

Në vijim provoi edhe Gjini me një goditje me kokë, ndërsa rasti më i mirë u regjistrua në të 19-të me Shpendin. Sulmuesi bëri gjithçka mirë, por u ndal nga portieri. Sërish Shqipëria shumë pranë golit në minutën 22-të, por Gjini dhe Shpendi u ndalën nga tranversa. Pjesa e parë u mbyll me rrjeta të paprekura pavarësisht se kuqezinjtë krijuan shumë raste të mira.

Fraksioni i dytë nisi me dy zëvendësime për kuqezinjtë. Nga loja dolën Tim Civeja e Elton Fikaj dhe u aktivizuan Feta Fetai e Ermis Selimaj. Shqipëria mori avantazhin në minutën e 57-të pas autogolit të Aventisian. Pas shënimit të golit nga loja doli Cristian Shpendi dhe u aktivizua Rrok Toma, ndërsa në vazhdim u fut në fushë edhe Arlind Rexhepi dhe Ermal Meta.

Kuqezinjtë tentuan deri në fund të realizonin golin e dytë dhe i shkuan shumë pranë me Rexhepin e Dodajn, por pa sukses.

Në fund ndeshja u mbyll me fitoren e Shqipërisë 1-0. Edicioni kualifikues “EURO 2025” për Kombëtaren U-21 mbyllet me pesë fitore, një barazim dhe katër humbje. Shqipëria U-21 renditet në vendin e katërt me 16 pikë.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Kapshticë/ 5 ditët e fundit, mbi 42 mijë hyrje dhe dalje në pikën e kalimit kufitar, shqiptarët kthehen në vendlindje për festat

Kapshticë/ 5 ditët e fundit, mbi 42 mijë hyrje dhe dalje në pikën e kalimit kufitar, shqiptarët kthehen në vendlindje për festat

26 Dhjetor, 10:05 nga Armand Braho