KUKËS - Një aksident automobilistik ka ndodhur në Kukës ku si pasojë ka humbur jetën një person dhe kanë mbetur të plagosur 3 të tjerë. Mësohet se aksidenti ka ndodhur pranë aeroportit të Kukësit ku një fuoristradë që po drejtohej për në qytet ka dalur nga rruga dhe ka rënë në kanal. Shkak dyshohet të jetë shpejtësia e madhe me të cilin udhëtonte mjeti.

Viktima është identifikuar si Galip Perzhilla, 23 vjeç, ndërsa është plagosur e motra Trëndafile Perzhilla, 20 vjeç, nga Kalaja e Dodës. Gjithashtu kanë mbetur të plagosur edhe Gëzim e Përparim Nici, babë e bir. Ata ndodhen në spitalin e Kukësit nën trajtimin e mjekëve.

(im/shqiptarja.com)