Kur u mendua se Flamurtari u rikthye te fitorja pas 6 ndeshjeve, kampionët në fuqi të Kukësit kanë bërë mrekullinë në 8 minuta nga fundi dhe kanë përmbysur gjithçka, duke fituar 2-1 në Vlorë. Pas një pjese të parë shumë të luftuar, të mbyllur në barazim 0-0, ndeshja është zbllokuar në minutën e 68-të me Camara. Ky i fundit mund ta kishte mbyllur ndeshjen në të 76-ën, por goditja e tij me të djathtën është ndalur nga shtylla.
Dhjetë minuta para fundit të ndeshjes ka ardhur kundërpërgjigja e miqve, të cilët kanë barazuar me një gol të Gurit. Kjo goditje e papritur ka trullosur vendasit, të cilët janë ndëshkuar përsëri në minutën e 88-të nga Ebipi, i cili i ka dhuruar fitoren miqve. Kukësi ka përforcuar vendin e dytë dhe ka shkuar gjashtë pikë larg Laçit të vendit të tretë në renditje, ndërsa Flamurtari mbetet në vendin e pestë me 37 pikë.
Komento