KUKËS- Një 38-vjeçar është arrestuar në pikën e kalimit kufitar Qafë Prush, pasi ka qenë duke transportuar 32.7 kg kanabis drejt Kosovës. Në pranga kanë rënë edhe dy organizatorët e trafikut të kanabisit, të cilët janë arrestuar në Kosovë.
Lënda narkotike ishte e ndarë në pako dhe ishte fshehur në tapicerinë e makinës poshtë sediljes së shoferit. Ajo është zbuluar nga kontrollet policore dhe është seksuetaruar në cilësinë e provës materiale bashkë me automjetin tip ‘Peguot’. 38-vjeçari Jetmir Krasniçi do e transportonte drogën nga Shqipëria në Kosovë kundrejt parave.
“Gjatë operacionit, në dalje të Shqipërisë, u kap në flagrancë dhe u arrestua shtetasi Jetmir Krasniçi, 38 vjeç, banues në Gjakovë, pasi nga kontrolli në automjetin tip “Peugeot” që drejtonte ky shtetas, shërbimet e Policisë gjetën rreth 32.7 kilogramë lëndë narkotike cannabis sativa. Sasia e lëndës narkotike, e ndarë në disa pako, u sekuestrua në cilësinë e provës materiale, së bashku me automjetin e 38-vjeçarit.
Nga hetimet rezultoi se shtetasit Jetmir Krasniçi, automjetin së bashku me lëndën narkotike, ia kishin dhënë në Morinë, shtetasit G. M., nga Kosova, dhe A. A., nga Maqedonia e Veriut. Shtetasi Jetmir Krasniçi, kundrejt pagesës, do ta kalonte lëndën narkotike, në Kosovë, nëpërmjet PKK Qafë Prush”, njofton policia.
Dy organizatorët G. M., nga Kosova, dhe A. A., nga Maqedonia e Veriut, i kishin vënë 38-vjeçarit në dispozicion makinën dhe më pas do e paguanin transportin e kanabisit. Ata janë arrestuar në Kosovë. Ndërkohë, policia thotë se në trafikun e drogës janë të përfshirë edhe një serb dhe dy maqedonas dhe po punohet për arrestimin e tyre.
Keto zbulime behen vec me informacion, ka shume pak shance qe policia ta zbuloje ne menyre te rastesishme. Pushime te mbara ne burg shoku, i pafsh hajrin "biznesit".
Përgjigju