Një vrasje me thikë ka ndodhur mbrëmjen e kësaj të shtune, rreth orës 22:30, në fshatin Orgjost të Kukësit.

Viktima është 25 vjeçari Mirim Hysa, i cili ëshë qëlluar disa herë me thikë nga bashkëfshatari i tij, Ismail Memishi. Ky i fundit është arrestuar nga polica menjëherë pas krimit. 

Burime pranë Policisë bëjnë me dije se shkak i vrasjes së 25 vjeçarit ka qenë hasmëria, ndërsa mësohet se konfliktuohej prej kohësh me autorin. 

I riu mori plagë të rënda në trup me thikë dhe pavarësisht ndërhyrjes së menjëhershme të mjekëve, ai nuk mundi të mbijetojë plagëve.

25-vjeçari Mirim Hysa ka ndërruar jetë vetëm pak minuta pas ngjarjes.

Redaksia Online
l.q/Shqiptarja.com