Receta

Kulaç / Kek i kripur i Pashkëve nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 14 Prill 2023, 11:52 | Përditesimi: 14 Prill 2023, 11:54

Keku i kripur i Pashkëve

Përbërësit:

250 gr miell 00
160 ml qumësht
160 gr rikota lope
50 gr vaj luledielli
50 gr djathë parmixhano
3 vezë
1 bustinë pluhur pjekës
400 gr asparag
150 gr proshutë e tymosur
200 gr djathë asiago
Kripë, piper

Përgatitja:

LEXO EDHE:
Pulë e mbushur nga zonja Albana

Thyejmë vezët në një tas dhe hedhim qumështin në to. Shtojmë vajin dhe e trazojmë me rrahësen e vezëve. Rregullojmë shijen me pak kripë dhe piper dhe më pas shtojmë rikotën.

Pasi e kemi trazuar mirë shtojmë gradualisht miellin e situr, pluhurin pjekës dhe djathin e grirë parmixhano. Përziejmë masën dhe në fund shtojmë proshutën e prerë në copëza, djathin e prerë në kubikë dhe asparagët të prerë në feta. Rregullojmë shijen me kripë dhe piper dhe këtë masë e kalojmë në një tavë ku kemi shtruar letër pjekje të lyer me pak gjalpë. Fiksojmë anësoret duke i dhënë brumit formën e pëllumbit (simbolit të paqes dhe Pashkës) ose në pamundësi vendosim në qendër të kekut vezët e kuqe të Pashkëve. E vendosim të piqet në furrë të parangrohur në temperaturën 180°C për rreth 50 minuta.

MC/Shqiptarja.com

TAG: