POP 5

Lajmet më të lexuara të 5 minutave të fundit

Kronikë

Kulla për A1 Report: Avioni nuk u
qëllua gabimisht, krim ndërkombëta

Analisti Ilir Kulla, i ftuar në studion e A1 Report shprehet se sipas tij ka shumë pak gjasa të jetë qëlluar gabimisht për shkak të lartësisë me të cilën udhëtonte si dhe teknologjia e lartë që duhet për ta goditur në të tillë lartësi.
Kulla për A1 Report: Avioni nuk u<br />qëllua gabimisht, krim ndërkombëta
Rrëzimi i avionit malajzian pasi u godit me raketë ditën e djeshme ku mbetën të vrarë 298 personat në bord, ka tronditur opinionin publik. Analisti Ilir Kulla, i ftuar në studion e A1 Report shprehet se sipas tij ka shumë pak gjasa të jetë qëlluar gabimisht për shkak të lartësisë me të cilën udhëtonte si dhe teknologjia e lartë që duhet për ta goditur në të tillë lartësi.

Sipas Kullës, avioni nuk është goditur gabimisht, duke ngritur kështu pikëpyetje për një sulm të mundshëm terrorist, duke shtuar se hetimi do të nxjerrë në pah të vërtetën e kësaj ngjarje.

“Gjëja e dytë që më erdhi në mendje është se ka pak gjasa që ai të jetë qëlluar gabimisht. Vlen të thuhet për teleshikuesin se nëse ky avion është rrëzuar me raketa “Book” tokë-ajër, është e pamundur të mos e dallosh se nga është nisur. Duhet parë pse avioni kishte ndryshuar kurs nga tre ditët e mëparshme. E fundit është për tu vlerësuar si është e mundur që hapësira ajrore evropiane nuk kishte siguruar këtë territor që duhej shmangur për aviacionin civil. Një raketë “Book” mund ta hedhë një avion mbi 10 mijë metra por deri tani nuk ka ndodhur. Megjithatë avioni malajazian është i teknologjisë shumë të lartë dhe kutitë e zeza por edhe kullat e kontrollit në avion është e pamundur të mos kenë dëgjuar se çfarë ka ndodhur. Besoj se përqindja e gabimit që do të dalë nga hetimi është shumë e vogël.” theksoi Kulla

Analisti Kulla shtoi se për këtë ngjarje do të kryhet një hetim ndërkombëtar, pasi sipas tij kemi të bëjmë me një krim ndërkombëtar. Kulla nënvizoi se për një sulm të tillë, vetëm Ukraina dhe Rusia kishin kapacitetin teknologjik ushtarak për ta goditur avionin, duke parë edhe territorin në të cilin është rrëzuar MH17.

“Kishte shumë kohë që nuk ndodhte një ngjarje e tillë. E fundit ka qenë në Ukrainë në 2006, ku një avion rus me turistë në pushime u godit gabimisht pasi fluturonte ulët, por një Boeing i rrëzuar në këto rrethana është një ngjarje e rëndë, dhe vë në pikëpyetje gjëra që kanë të bëjnë me sigurinë e aviacionit civil në Europë. Kemi të bëjmë me një krim ndërkombëtar dhe do të ketë një hetim ndërkombëtar. Lartësia e avionit është e një sigurie të lartë dhe kërkon një teknologji shumë të avancuar për ta goditur, teknologji që e kanë vetëm Ukraina dhe Rusia në rastin konkret.” tha Kulla

Avioni i linnjës malajziane Boeing-777 me 298 persona në bord u qëllua ditën e djeshme në lindje të Ukrainës me raketë tokë-ajër, ndërsa autoritetet ukrainase kanë akuzuar separatistët filorusë për sulmin në fjalë. 

Redaksia Online
(e.c/shqiptarja.com)

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46