MALËSI E MADHE-  Ajet Delishaj, i cili ishte shpallur në kërkim pasi dyshohet se kultivoi 27 mijë rrënjë kanabis në Malësi të Madhe, është vënë në pranga nga uniformat blu. Vetëm tre ditë zgjati arratia e tij nga momenti i zhvillimit të operacionit ku u asgjësuan plantacione të mëdha ma kanabis, të kultivuara në tokë të hapur si dhe mijëra fidanë kanabis të cilat do të mbilleshin në zonat malore të Malësisë së Madhe.

53-vjeçari Ajet Delishaj dyshohet se është autori i 6300 fidanëve të dyshuar cannabis sativa në tokë dhe i 20 300 fidanëve të tjerë në kubikë. Plantacionet e mëdha të kanabisit u zbuluan në territorin e fshatit Gruemirë-Çesme në Malësi e Madhe, në ambient të hapur.

Në bashkëpunim me Prokurorinë, vijojnë hetimet e thelluara për identifikimin dhe kapjen e shtetasve të tjerë të implikuar në këtë veprimtari kriminale. 

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.