Në kuadër të parandalimit dhe “goditjes” së kultivimit të bimëve narkotike, policia e Tiranës ka arrestuar kryeplakun e fshatit Qafmollë dhe një 37-vjeçar.
Kryeplaku Azem Dedej 52 vjeç dhe 37-vjeçari Rexhep Halili, të cilët u vunë në pranga gjatë një kontrolli të policisë në njësinë administrative Dajt, dyshohen edhe si autor të ngjarjes 19.06.2021, ku gjatë kontrollit të territorit, në fshatin Qafmollë, u konstatuan të kultivuar bimë narkotike kanabis.
Në këtë mënyrë u finalizua operacioni policor i koduar “Qafmolla”.
Materialet i kaluan Prokurorisë së Rrethit Gjyqësor Tiranë, për veprat penale "Kultivimi i bimëve narkotike", kryer në bashkëpunim dhe “Shpërdorimi i detyrës”.