POP 5

Lajmet më të lexuara të 5 minutave të fundit

Kronikë

Kultivonin kanabis, arrestohet babë e bir në Elbasan! Në pranga edhe kryeplaku i fshatit Bodin dhe administratori i Gracenit

Policia ka arrestuar Selim Beqari, 62 vjeç, banues në fshatin Bodin, dhe Zamir Beqari, 27 vjeç, banues në Sarandë (babë e bir), pasi në tokën e tyre u gjetën lëndë narkotike kanabis. Sekuestrohen 58 kg lëndë narkotike

ELBASAN- 58 kg lëndë narkotike kanabis janë sekuestruar në fshatin Bodin në njësinë administrative Gracen, ndërsa në pranga kanë rënë 4 persona.

Policia ka arrestuar Selim Beqarin, 62 vjeç, banues në fshatin Bodin, dhe Zamir Beqarin, 27 vjeç, banues në Sarandë (babë e bir), pasi në tokën e tyre u gjetën lëndë narkotike kanabis.

Sipas policisë pas kontrollit të ushtruar në tokën e këtyre, në fshatin Bodin, Gracen, Elbasan, janë gjetur dhe janë sekuestruar në cilësinë e provës materiale, 17 bimë të prera, të dyshuara narkotike kanabis.

Po ashtu u janë gjetur dhe sekuestruar në cilësinë e provës materiale, 7 thasë të mbushur me lëndë të dyshuar narkotike kanabis, me peshë totale rreth 58 kilogramë.

Babë e bir, u arrestuan në flagrancë, për veprat penale "Prodhimi dhe shitja e narkotikëve" dhe “Kultivimi i bimëve narkotike”, kryer në bashkëpunim

Njëkohësisht, u arrestuan në flagrancë, për veprat penale “Shpërdorimi i detyrës” dhe “Moskallëzimi i krimit”, shtetasit: Fadil Salla, 58 vjeç , banues në Elbasan, administratori i Njësisë Administrative Gracen, Elbasan; Ramiz Beqari, 62 vjeç, kryeplaku i fshatit Bodin, Gracen, Elbasan.

Po në kuadër të këtij operacioni, u proceduan penalisht 2 shtetas, për veprat penale "Prodhimi dhe shitja e narkotikëve" dhe "Kultivimi i bimëve narkotike”, kryer në bashkëpunim, si dhe 1 shtetas tjetër, për veprën penale “Moskallëzimi i krimit”.

Në bashkëpunim me Prokurorinë pranë Gjykatës së Rrethit Gjyqësor Elbasan, vijon puna për zbardhjen dhe dokumentimin e plotë të këtij rasti.

Materialet procedurale i kaluan Prokurorisë pranë Gjykatës së Rrethit Gjyqësor Elbasan, për veprime të mëtejshme.

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu