Kupa e Gjermanisë, spektakël në Mynih, Dortmund eliminon Bayern
Pasi eliminimit nga faza çerekfinale e Champions League, Bayern Munchen dhe Borussia Dortmund u përballën në gjysmëfinalen e Kupës së Gjermanisë, trofeu i dytë më i rëndësishëm në vend pas Bundesligës.
Pasi eliminimit nga faza çerekfinale e Champions League, Bayern Munchen dhe Borussia Dortmund u përballën në gjysmëfinalen e Kupës së Gjermanisë, trofeu i dytë më i rëndësishëm në vend pas Bundesligës.
Takimi i luajtur në "Allianz Arena" përpara 75 mijë shikuese flet për verdhezinjtë të cilët arrijnë të bëjnë surprizën duke përmbysur bavarezët me shifrat 2:3 dhe për rrjedhojë siguruan biletën e kualifikimit në finalen e Berlinit.
Verdhezinjtë e Tuchel e nisin vrullshëm ndeshjen kur kalojnë në avantazh me anë të Marco Reus në minutën e 18 të takimit.
Bayern përgjigjet në minutën e 28 me Martinez i cili barazon përkohësisht rezultatin, ndërsa 4 minuta nga fundi i pjesës së parë, Mats Hummels përmbysh shifrat në favor të Bayern.
Pjesa e dytë flet sërish për Borussia-n, ndërsa Bayern duke kryesuar rezultatin 2:1 e merr qetësisht ndeshjen. Aubameyang çon lehtësisht në rrjetë me kokë një top të marrë nga Dembele.
Goli vendimtar i takimit vjen në minutën e 74 dhe është Dembele i cili lëviz mirë në zonën e vendasve dhe mposht për të tretën herë Ulreich. Ky gol shemb për tokë bavarezët dhe janë verdhezinjtë ata të cilët do të luajnë përballë Frankfurt në finalen e madhe të Berlinit.
Pas eliminimit nga Champions League, Bayern i jep kështu lamtumirën edhe Kupës së Gjermanisë.
(Golat e ndeshjes Bayern Munchen - Borussia Dortmund)