Tirana dhe Bylis luajnë sot në orën 13:00 për 1/8 e Kupës së Shqipërisë. Përballja do zhvillohet në stadiumin e Vorës dhe kjo fazë është me një takim, teksa skuadrat do kërkojnë një biletë për në çerekfinale.

Te Tirana situata është kritike pasi ekipi më i titulluar në vend nuk i ka punët mirë në Superligë dhe ndodhet në zonën e ftohtë, duke humbur edhe ndeshjen e fundit 2-1 në Shkodër me Vllazninë.

Para ndeshjes së Kupës trajneri Gugash Magani tha se presioni te Tirana është shumë i madh dhe dëshiron mos bëhen të njëjtat gabime.

“Presioni është i madh. Situata nuk është e mirë. Gjithsesi unë e thashë edhe pas ndeshjes me Vllazninë që humbëm prej gabimeve tona. Në këto momente duhet të jemi shumë të bashkuar, presionin ta mbajmë ne, çunat duhet të jenë sa më të qetë, kështu kemi punuar këto ditë. Një skuadër që nuk e mban presion do ketë probleme.

Ne jemi të vendosur për tu futur për tu kualifikuar dhe kam bindjen që do të fitojmë ndeshjen. Ne analizojmë çdo gjë që ndodh, mbaj përgjegjësitë e mia, kur jemi 1-0 duhet të menaxhosh rezultatin. Në çdo moment kur je 1-0 dhe ke raste të tjera, duhet të kujtoj Tiranën e disa viteve që nuk falte duke shënuar. Ne e kemi analizuar dhe nuk do të ndodhë më.

Situata është shqetësuese, çdo njeri ka përgjegjësitë e veta, përgjegjësinë kryesore e kam unë. Kemi kapacitet të zgjidhim situatën. Organika po plotësohet, për 10 ditë besoj jemi të kompletuar besoj. Në qoftë se dokumentacioni është i plotësuar atëherë lojtarët janë gati. Nuk pres asgjë nga merkatoja, topin e kemi ne dhe duhet të luajmë”, u shpreh Magani.

S.Dh/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 14 Mars, 23:51

    18 vite nga Gërdeci, a besoni se do ndëshkohen përgjegjësit e vërtetë?

Lajme të tjera