POP 5

Lajmet më të lexuara të 5 minutave të fundit

Sport

Kupa e Shqipërisë/ Tirana në finale me spektakël, Kukësi mposht edhe në betejën e dytë Skënderbeun

Tirana dhe Kukësi janë finalistët e Kupës së Shqipërisë. Në kryeqytet bardheblutë kanë mposhtur me rezultatin 5-3 Luftëtarin, ndërsa në Korçë Kukësi ka fituar edhe takimin e dytë 1-3 ndaj Skënderbeut.

Gjysmëfinalet e kthimit të Kupës së Shqipërisë kanë dhuruar spektakël dhe kanë prodhuar një lumë golash. Në kryeqytet Tirana e udhëhequr nga Ardian Mema ka prerë një biletë për në finale falë fitores 5-3 kundër Luftëtarit, në një kohë kur sfida e parë ishte mbyllur me rezultatin e bardhë 0-0. Edhe pse bardheblutë kaluan të parët në avantazh me supergolin e Asion Dajës pjesa e parë në “Selman Stërmasi” u mbyll me shifrat 1-1, ndërsa në të dytën Tirana shkoi në 4-1 para se Oshafi të shkurtonte përkohësisht.

Pas minuta më pas Sentamu realizoi të dytin personal dhe të pestin për Tiranën, ndërsa shifrat përfundimtare do të vuloseshin në minutën e 94 nga Dunga. Një fitore mjaft domëthënëse për Tiranën e cila jo vetëm siguron finalen, por edhe jep sinjale pozitive para derbit.

Ndërkohë në gjysmëfinalen tjetër mes Skënderbeut dhe Kukësit korçarët jo vetëm që nuk kanë mundur të përmbysin humbjen e ndeshjes së parë, por janë mposhtur sërish, këtë herë 1-3. Në Korçë rezultatin e zhbllokoi Rexhinaldo në minutën e 19-t, ndërsa para se të mbyllej pjesa e parë një autogol i Abazit dyfishoi shifrat.

Me fillimin e fraksionit të dytë goli i Bregut rizgjoi shpresën për përmbysje, por zgjati vetëm pak pasi Valdet Rama realizoi të tretin për Kukësin. Në fund verilindorët prekin finalen me rezultatin e përgjithshëm 2-5 dhe janë vetëm një hap larg fitimit të trofeut.

Ndeshja finale mes Tiranës dhe Kukësit do të luhet më 2 qershor, por ende nuk dihet ora e saktë dhe stadiumi se ku do të zhvillohet sfida.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

Durrës/ Shumë banesa ende nën ujë, evakuohen disa familje, akomodohen te Kavalishenca! 40 ha tokë bujqësore nën ujë

Durrës/ Shumë banesa ende nën ujë, evakuohen disa familje, akomodohen te Kavalishenca! 40 ha tokë bujqësore nën ujë

30 Janar, 08:44