Kuqezi apo partiak?! Kuvendi debat pa 'liderët' për takimin e Ramës në Athinë

Edhe pse liderët kryesorë, duke nisur nga kryeministri Edi Rama, kreu i PD Lulzim Basha apo Gazment Bardhi munguan në sallën e parlamentit, seanca plenare kaloi jo pa debate, ndonëse me tone më të zbutura.

Vëmendjen kryesore të akuzave politike, e mori takimi i Ramës në Athinë.

Deputeti Dashamir Sula që në nisje ngriti pyetjen se ku u gjetën paratë për turin e diasporës.

Deputetja demokrate Jorida Tabaku kërkon informacion mbi premtimin që Rama bëri për njohjen e pensioneve edhe me Greqinë.

“A janë avancuar diskutimet me angazhimin politik? A kemi sot ndonjë informacion se ku ndodhemi për sa i përket negociatave të pensioneve dhe të mbi 700 mijë shqiptarëve që sot fatkeqësisht janë larguar në drejtim të Greqisë”, u shpreh Tabaku.

Replikën në emër të socialistëve, ia dha Blendi Klosi, që e quajti miting kuqezi dhe jo me ngjyra partiake, sikurse sipas tij, politika në Tiranë e interpretoi.

Nga foltorja e Kuvendit, kreu i PDIU, Shpëtim Idrizi tha se kryeministri Edi Rama nga Athina tha një të madhe për ligjin e luftës.

 “Rama në Athinë tha një të vërtetë të madhe që na është fshehur deri tani, që është në fuqi ligji i luftës dhe pasojat e saj. Si është e mundur që pas 84 vitesh Greqia mban në fuqi këtë ligj që edhe ministri grek e quajti një skizofreni ballkanike”, theksoi Idrizi.

Jashtë debatit, ndonëse në distancë nuk mbeti as Enkelejd Alibeaj i PD zyrtare që i kërkoi votën e emigrantëve.

Paralel me këto zhvillime në Kuvend, Rithemelimi njoftoi padi në SPAK me akuzën se po harxhohen mbi 2 milionë euro nga buxheti i shtetit për realizimin e takimeve me diasporën.

Pas Athinës, sikurse vetë kreu i qeverisë njoftoi herët në mëngjes në rrjetet sociale, Rama do të takohet më 26 maj, ora 11:00, me shqiptarët e Italisë në Milano.

G.M.//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Gjykata e Apelit i jep vulën e PD-së Berishës, si e vlerësoni?



×

Lajmi i fundit

Duka në ‘Repolitix: Në 2025 PAA në zgjedhje, por ju unë si deputet

Duka në ‘Repolitix: Në 2025 PAA në zgjedhje, por ju unë si deputet