Përparim Spahiu nuk është i pari deputet që ka qëndrime personale në LSI. Padyshim, ai është i pari që përjashtohet për një gjë të tillë. Këtë vit, dy deputetë me peshë të madhe në këtë parti, Luan Rama dhe Spartak Braho, kanë shprehur kritika ndaj qeverisë duke i dalë kundër asaj, por nuk pati asnjë masë ndëshkuese. E vetmja gjë që ndodhi, ishte se pak kohë më pas, një tjetër zë në LSI ka qartësuar se kritikat kanë qenë personale dhe jo të LSI-së. Në 20 janar të këtij viti, Luan Rama kritikoi qeverinë për politikat fiskale.