Kurimi i Hanës, Ministria
e Shëndetësisë: Bëmë maksimumin
Ministria e Shëndetësisë mohoi akuzat e bëra një ditë më parë nga Rezart Hana, djali i prokurorit të ndjerë Xhevat Hana, se nuk e ka ndihmuar të ndjerin për t'u mjekuar jashtë. Burime zyrtare pranë kësaj ministrie na shpjegojnë se vetë ministri i Shëndetësisë, Petrit Vasili u angazhua personalisht, madje duke shfrytëzuar njohjet e tij private, pasi nuk kishte kohë për procedura, për ta dërguar sa më shpejt në spitalet më të mira.
TIRANE- Ministria e Shëndetësisë mohoi akuzat e bëra një ditë më parë nga Rezart Hana, djali i prokurorit të ndjerë Xhevat Hana, se nuk e ka ndihmuar të ndjerin për t'u mjekuar jashtë. Burime zyrtare pranë kësaj ministrie na shpjegojnë se vetë ministri i Shëndetësisë, Petrit Vasili u angazhua personalisht, madje duke shfrytëzuar njohjet e tij private, pasi nuk kishte kohë për procedura, për ta dërguar sa më shpejt në spitalet më të mira.
"Vetë ministri Vasili u angazhua personalisht për ta dërguar prokurorin Hana jashtë për kurim. Madje edhe dërgimi i tij në spitalin "Gemelli", i cili trajton vetëm raste të rënda të fëmijëve, është bërë vetëm falë ndërhyrjes personale pranë Vatikanit të ministrit të Shëndetësisë Vasili, në të kundërt ai nuk do të kishte mundur të shkonte pranë këtij spitali",-thonë burime zyrtare pranë ministrisë.
Sipas Ministrisë gjatë ditëve të fundit të vitit 2011, kur edhe sëmundja e ish-prokurorit të krimeve të rënda, mori përmasa alarmante, ministri i Shëndëtësisë komunikoi disa herë me prokuroren e krimeve të rënda, Ina Rama dhe me familjarët e Hanës, për të gjetur një mënyrë sa më efikase dhe sa më të shpejtë për ta dërguar për kurim jashtë. "Vetë ministri i Shëndetësisë, ka komunikuar disa herë me familjarët dhe kryeprokuroren Ina Rama, për t'i ofruar sa më shpejt ndihmën e duhur prokurorit Xhevat Hana. Por gjendja e tij ka qenë shumë e rënduar. Ai vuante nga një lloj tumori gjaku dhe kishte metastaza në të gjithë trupin, në kocka, në organe jetike, kudo. Pavarësisht kësaj gjendjeje të rëndë, janë bërë përpjekjet maksimale për ta dërguar jashtë, megjithëse pranë ministrisë së Shëndetësisë nuk ka ndonjë kërkesë zyrtare për ta dërguar këtë person jashtë Shqipërisë për mjekim", - sqaroi dikasteri.
Përpjektjet për t'i dhënë asistencën e duhur mjekësore prokurorit Hana vijuan edhe në ditët e para të vitit 2012. "Megjithëse ishin ditë festash, me datë 2 janar, ministri i Shëndetësisë arriti që të sigurojë një marrëveshje edhe me një spital në Turqi, me të cilin ne kemi marrëveshje bashkëpunimi, për të asistuar situatën shëndetësore të Xhevat Hanës, por ishte e pamundur që ai të lëvizej nga "Gemelli" ku edhe ndërroi jetë", - thanë burime zyrtare pranë ministrisë së Shëndetësisë, që hedhin poshtë akuzat e bërë një ditë më parë nga Rezart Hana, se ministria pengoi dërgimin e të atit jashtë për mjekim. Ish-prokurori i krimeve të Rënda, ndërroi jetë dy ditë më parë, në Itali ku edhe po kurohej për sëmundjen e rëndë që i ishte përhapur në të gjithë trupin.
(sg/shqiptarja.com)
Sondazhi i ditës:
Sa përcaktuese do jetë vota e emigrantëve në zgjedhjet e 2025-ës?
-
Shumë
25.9%
-
Pak
40.8%
-
Aspak
33.3%
Vota total: 1480
Votat totale janë unike
Lajme të tjera
-
Spartak Ngjela: Turp historik! Nuk lejojnë votim të lirë, e nuk dinë të bëjnë asgjë tjetër veçse të rrinë në pushtet për privilegje
28 Korrik, 07:55
-
'Lista të hapura vetëm për PS-në', Zaloshnja tregon mandatet e sigurta për dy partitë e mëdha: Në PD 'luftë' vetëm për 3 vende
28 Korrik, 07:48
-
PS mbledh sot Kongresin! Prezantohet platforma e re për përzgjedhjen e deputetëve për zgjedhjet e 2025! Votohet Asambleja e re
28 Korrik, 07:33
-
Gati për të përballuar çdo sfidë, por kujdes me paratë ... Çfarë thonë yjet për ju sot
28 Korrik, 07:13
-
Shkodër/ digjen 2 makina, tritol, 4 minuta më pas hidhet lëndë plasëse pranë një banese (ERMAT)
28 Korrik, 07:05
-
Hezbollahu godet një fushë futbolli në Izrael, 10 viktima, fëmijë dhe adoleshentë! 30 të vrarë nga sulmet izraelite në një shkollë në Gaza
27 Korrik, 23:04
-
Sherr me thika mes dy të rinjve në Pogradec, një i plagosur! Arrestohet 24-vjeçari
27 Korrik, 22:41
-
Politika s’ka moral, por kjo jona s’ka edhe logjikë
27 Korrik, 22:36
-
'Më kapi për fyti ...', shqiptarja denoncon ish-bashkëshortin grek në polici
27 Korrik, 22:35
-
Skënder Minxhozi: Kompromisi më i çuditshëm, mbaje qeverinë, më ler shef të opozitës
27 Korrik, 22:30
-
Rikthehet Festivali i Porto Palermos, 12 netë magjike në kalanë e ‘Ali Pashës’! Olen Cesari flet për Report Tv: Promovojmë Shqipërinë në botë
27 Korrik, 22:13
-
Zjarri në Shëngjin, Report Tv sjell pamjet me dron
27 Korrik, 22:02