Kryeministri i Kosovës, Albin Kurti, ka mbajtur sot (23 Dhjetor) një konferencë të përbashkët me ministrin e Punëve të Brendshme, Xhelal Sveçlën, i cili deklaroi se në Serbi janë duke u bërë plane të reja për të sulmuar Kosovën.
Sipas tij, sulmi në Banjskë ishte porositur nga shteti serb i cili u ka dhënë urdhra peronave që e kanë udhëhequr këtë sulm ku mbeti i vrarë polici Afrim Bunjaku.
“Urdhri për sulmin terrorist e kriminal në Banjskë të Zveçanit më 24 shtator të këtij viti, i planifikuar dhe i organizuar nga shteti serb, u ishte kumtuar një ditë më herët, pra saktësisht para tre muajve në mjediset e kompanisë ‘Novi Pazar Put", tha Kurti.
Sipas tij, automjetet, armët dhe i gjithë arsenali i përgatitur dhe përdorur në Banjskë ishin të përqendruara në këtë lokacion.
“Kjo kompani e cila është në listën e sanksioneve të SHBA-së, është pronë e vëllezërve Zvonko e Zharko Veselinoviç dhe Milan Radoiçiç. Ndërsa drejtor është një kolonel i pensionuar i ushtrisë serbe, Alensadar Gerbovic me pseudonimin Gërba. Ai ka marrë pjesë në luftërat e Kroacisë, Bosnje dhe Hercegovinës dhe Kosovës. Gjithashtu ka qenë edhe drejtor i burgut të Nishit për pesë vjet dhe kryetar i Komunës së Pozhegës në vitin 2008”, tha Kurti.
Më tej, Kurti ka theksuar se një muaj para sulmit në Banjskë, këtë kompani e kishte vizituar presidenti i Serbisë Aleksandar Vuçiq për ta përuruar ndërtimin e rrugës Rashkë – Novi Pazar me gjatësi prej 18 kilometrash.
“Gjatë vizitës ai e kishte lëvduar punën e drejtorit dhe i është referuar atij si njeriu më i shpejtë nga të gjithë shoferët. Ai e përgëzoi edhe shpejtësinë e punës për rrugën e cila u përurua tre muaj para kohe me nxitim. Presidenti i Serbisë nga aty deklaroi që e ka të vështirë të gjejë zgjidhje kur flet me njerëzit nga Prishtina, duke menduar për mua të cilët sipas tij, po kërkojnë arsye për konflikte e sulm ndaj popullatës serbe. Ai akuzonte për sulm sepse po përgatitej për sulm, gjë që ndodhi më 24 shtator”, tha Kurti.
Më tej, kryeministri ka shtuar se pas sulmit terrorist dhe kriminal më 24 shtator, Radoiçiçi u lirua nga gjykata serbe në kohë rekorde.
“Ai tani po vazhdon përgatitjet për sulme tjera në vendin tonë bashkë me disa pjesëtarë të organizatës terroriste ‘Mbrojtja Civile', Radoiçiçi është duke mbajtur takime të rregullta me zyrtarë të lartë të BIA-s", tha Kurti.
Sipas tij, ambientet e firmës ‘Jabllanovica’ në Rashkë ngjashëm me ato të ‘Novi Pazar Put’ po përdoren për strehimin dhe ruajtjen e automjeteve dhe mjeteve shpërthyese për sulmet e ardhshme nga Radoiçiçi dhe grupi i tij.
“Por realisht, në këtë ndërtesë strehohen disa nga pjesëtarët e grupit ‘Mbrojtja Civile’ që kryejnë vëzhgime në territorin e Kosovës e të cilët instruktor e kanë Uglesha Jarediqin. Paramilitarët e Radoiçiçit po strehohen në objektet që ai i ka në pronësi në këtë park turistik dhe përveç akomodimit, anëtarët e grupit terrorist paguhen rreth 2000 euro në muaj”, tha Kurti.
Ministri i Brendshëm Xhelal Sveçla Sveçla teksa prezantoi kronologjinë e ngjarjes së 24 shtatorit të këtij viti në Banjskë, tha se çdo ditë e më shumë gjatë hetimeve po përforcohen konstatimet se qëllimi i Serbisë dhe sulmi i grupit terrorist ishte që të aneksohet veriu i vendit.
Kryeministri i Kosovës. Albin Kurti, tha se qeveria që ai drejton i ka dërguar Prokurorisë së Shtetit të gjitha informacionet që i ka në lidhje me sulmin terrorist të 24 shtatorit në Banjskë të Zveçanit.
Në një konferencë për media bashkë me ministrin e Brendshëm Xhelal Sveçla, ai tha se me gjithë dërgimin e dëshmive, Prokuroria e Shtetit shumë pak ka vepruar në këtë drejtim, ndonëse kanë kaluar pothuajse 3 muaj që kur ndodhi sulmi.
“Nuk ka informacion të qeverisë së Kosovës lidhur me sulmin në Banjskë që nuk i është dhënë Prokurorisë së shtetit. Janë bërë 3 muaj prej se është kumtuar urdhri për sulmin terrorit ku u vra heroi Afrim Bunjaku. Ka panumër fakte, dëshmi materiale që janë mëse të mjaftueshme për ngritje të aktakuzave. Në përgjithësi, viti i kaluar ishte vit i barrikadave paraushtarake. Ishte vit i sulmeve terroriste, kriminale paraushtrake, por ka shpërputhje shumë të madhe midis fakteve e dëshmive në njërën anë dhe aktakuzave në anën tjetër. Është numër minor i njerëzve që ndodhen prapa grilave. Ky hendek s’mund të mbushet nga qeveria, por nga prokuroria. Unë jam për të ndihmuar, ata për të punuar”, tha Kurti, teksa hodhi akuza se Prokuroria e Shtetit nuk po e kryen punën e vet.
Komente
Lajme të tjera
-
Zgjedhjet në Kosovë/ Emigrantët do të votojë në ambasada dhe në konsullata
18 Dhjetor, 13:30 -
Grupi i trafikut të armëve Shqipëri-Kosovë, zbulohen detajet e operacionit! Ja si i bëri Policia blerjet me agjentë të infiltruar dhe roli i taksistit
18 Dhjetor, 13:09
-
Dialogu/ Laçak flet pas takimeve në Bruksel: Të themelohet Asociacioni, Serbia të njohë simbolet e Kosovës
18 Dhjetor, 11:20 -
Spiunimi i BIA-s, Serbia në 'burgun digjital'
18 Dhjetor, 08:22 -
BE i kërkon Kosovës kthimin e serbëve në institucione, masat hiqen kur të ndërmerren hapa për uljen e tensioneve në Veri
17 Dhjetor, 17:07 -
Hagë/ Haxhi Shala e Sabit Januzi pranojnë akuzën e frikësimit të një dëshmitari
17 Dhjetor, 16:35 -
Prokuroria Speciale synon të thërrasë 3 dëshmitarë kundër Hashim Thaçit dhe 4 të tjerëve
17 Dhjetor, 16:34 -
Kosova dhe Serbia pajtohen për zbatim të plotë të deklaratës për personat e zhdukur
17 Dhjetor, 16:30 -
Kryeministri Kurti: Dokumentimi i krimeve të luftës, detyrim moral dhe historik për të gjitha gjeneratat
17 Dhjetor, 15:30 -
Ali Ahmeti takohet me opozitën në Kosovë: Nuk takohem me Kurtin, sepse s’ka vullnet nga ana e tij!
17 Dhjetor, 14:54 -
Kosova drejt zgjedhjeve të 9 shkurtit/ Deputeti i PDK: I gjithë kabineti i Kurtit në hetim nga Prokuroria Speciale! Diplomati: Vetëvendosja nuk ka kualitet në lista
16 Dhjetor, 19:17 -
Shefi i NATO-s për sulmin në Ibër-Lepenc: Përgjegjësit të sillen para drejtësisë
16 Dhjetor, 18:25
Po a je zot ti o allbin kurrci,ngarkoje ate prokuroren serbe te ciles ja keni besuar rastin me te ndjeshem pse nuk ja ngarkon edhe kete apo e ban kete zhurme vetem sa per te thane se po ban diç.
Përgjigju