POP 5

Lajmet më të lexuara të 5 minutave të fundit

Kosova & Rajoni

Stërvitja ‘Defender ‘23’ nis në Prishtinë, nesër zhvendoset në Tiranë! Kurti: Ushtarakët e FSK-së, në krah të mijëra ushtarakëve të 25 vendeve të NATO-s

Stërvitja “Defender Europe 2023” filloi të dielën në Prishtinë me pjesëmarrjen e forcave të vendeve partnere dhe 1300 trupave nga forca mbrojtëse e Kosovës. Më 22 maj eventi ushtarak zhvendoset në Tiranë ndërsa në ceremoninë hapesë, krerët e shtetit dhe qeverisë së Kosovës e cilësuan si një ngjarje që dëshmon vullnetin e bashkësisë ndërkombëtare për paqen në botë dhe në rajon.

Me himnet e Republikës së Kosovës dhe SHBA-së filloi të dielën stërvitja “Defender Europe 2023” e cila të hënën zhvendoset në Tiranë. Ambasadori amerikan në Prishtinë, Jeff Hovenier, tha se Kosova tashmë po eksporton siguri.

“Kosova vazhdon të transformohet nga konsumator e sigurisë, në një eksportuese të sigurisë, duke ndihmuar për të ofruar siguri më të madhe në tërë botën”, tha Hovenier.

Presidentja e Kosovës, Vjosa Osmani e sheh stërvitjen “Defender Europe ’23” është një simbol i vendosmërisë kolektive për ta ruajtur paqen dhe stabilitetin në një botë, që po sfidohet vazhdimisht.

“Ky ushtrim ndërkombëtar është një simbol i vendosmërisë tonë kolektive për ta ruajtur paqen dhe stabilitetin në një botë që po sfidohet vazhdimisht. Është një kujtesë se forca jonë nuk qëndroi vetëm në fuqinë e armëve tona, por në lidhjet që krijojmë, në aleancat që ne ndërtojmë”, u shpreh Osmani.

Kryeministri Albin Kurti e cilësoi këtë ditë, si ngjarjen më të madhe stërvitore ushtarake që ka ndodhur ndonjëherë në Kosovë duke theksuar se vendi I tij do të përfaqësohet me mijëra trupa që do bashkëveprojnë me ushtritë partnere.

“Mbi 1 mijë e 300 ushtarak të forcave tona do të ekzekutojnë detyra stërvitore e ushtarake. Ju siguroj që do të vazhdoni të keni mbështetjen e qeverisë dhe institucioneve të shtetit në ngritje dhe zhvillim profesional”, tha Kurti.

Ndërkaq ministri i mbrojtjes, Armend Mehaj u shpreh optimist për afrimin e Kosovës në NATO duke theksuar se ky është pikësynimi kryesor i qeverisë së Prishtinës.

G.MO/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03