POP 5

Lajmet më të lexuara të 5 minutave të fundit

Kronikë

Kurum kthen Elbasanin në pirg
mbeturinash, Ministria hesht

Tym, blozë dhe grumbullim mbetjesh të çelikut dhe sfungjerit ditë edhe natë në zona të banuara. Kjo është veprimtaria e “Kurum” e cila hedh ku te mundet gjithçka nuk i duhet e koston e paguajnë jo vetëm banorët në fshatrat përreth, por edhe banorët e Elbasanit, Peqinit deri në Cërrik dhe Kuçovë.  VIDEO
Kurum kthen Elbasanin në pirg<br />mbeturinash, Ministria hesht
Tym, blozë dhe grumbullim mbetjesh të çelikut dhe sfungjerit ditë edhe natë në zona të banuara. Kjo është veprimtaria e “Kurum” e cila hedh ku te mundet gjithçka nuk i duhet e koston e paguajnë jo vetëm banorët në fshatrat përreth, por edhe banorët e Elbasanit, Peqinit deri në Cërrik dhe Kuçovë. 
 
Më shqetësuese për banorët dhe ambientalistët është fusha e grumbullimit të mbeturinave e cila nuk plotëson asnjë kusht teknik, higjienik ose mjedisor, një vend jashtë çfarëdo lloj standardi. 

Fusha aktuale e mbeturinave me rrjedhjet dhe kullimit e lëngjeve të saj, ndot ujërat e lumit Shkumbin prej të cilit furnizohen kanalet ujitës jo vetëm të Fushës së Elbasanit, por edhe ato të Rrogozhinës e të Kavajës.
 
Kështu me anën e ujit të ndotur ndotet edhe toka, por edhe të gjitha perimet dhe produktet e tjera bujqësore e blegtorale të një rajoni shumë të gjerë me një popullsi mbi gjysmë milioni banorë. E gjithë kjo popullsi vuan pasojat katastrofike të ndotjes nga ajri, uji dhe toka.

Ndotja që vjen nga metalurgjiku është një “kontribut” që Kurum jep për klasifikimin e Shqipërisë ndër vendet me rrezikshmëri të lartë të ndotjes. 
 
Pushteti vendor distancohet nga ky skandal duka ia hedhur në përgjegjësi Inspektoriatit të Mjedisit për Depozitimin e Mbetjeve. 

Ndërsa ky i fundit ia delegon përgjegjësin për të kontrolluar industrinë e rëndë, konkretisht në KURUM, Ministrisë së Mjedisit. 

“Përsa i përket lejeve të mjedisit që leja e këtyre merret në ministrinë e mjedisit dhe kur planifikohet me kontroll, në bashkëpunim me ministrinë e mjedisit, të shkojmë dhe të bëjmë kontrollin.”- tha Gëzim Salla.

Por edhe institucioni i cili jep lejet për të kryer një aktivitet të tillë, i cili gjithashtu i ka dhënë lejen dhe duhet të monitorojë veprimtarinë e KURUM, Ministria e Mjedisit shmang çdo ditë e më shumë të japë një përgjigje për ndotjen që po ndodh në metalurgjik. 

Redaksia Online
(a.h/shqiptarja.com)

  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Kur kthimi në Shqipëri për të investuar, përfundon në zhgënjim

Kur kthimi në Shqipëri për të investuar, përfundon në zhgënjim

22 Dhjetor, 22:51