Caka shkruan në “Facebook” se të nisësh ditën me lajme të tilla nuk është mënyra më e mirë, por kjo çështje duhet të jetë kryefjala e të gjithëve, deri në çuarjen para drejtësisë të të gjithë personave përgjegjës dhe rrëzimin e qeverisë së krimit.
Sipas saj, këtë herë nuk duhet të biem viktimë e propagandës së fëlliqur dhe ta bëjmë këtë çështje kauzën e madhe të shqiptarëve.
Postimi i deputetes:
Të nisësh ditën me lajme të tilla sigurisht nuk është mënyra më e mirë, por kjo çështje duhet të jetë kryefjala e të gjithëve ne, deri në çuarjen para drejtësisë të të gjithë personave përgjegjës dhe rrëzimin e Qeverisë së krimit, drogës, votave të vjedhura e të blera.
Të paktën këtë herë të thyejmë traditën e çudisë më të madhe që zgjat vetëm 3 ditë dhe pastaj harrohet; të paktën këtë herë të mos biem viktimë e propagandës së fëlliqur të disa medieve dhe gazetarucëve që tentojnë të na shkëputin nga ajo që po ndodh me lajme dhe scoop-e shoëbizi.
Le ta bëjmë këtë çështje kauzën e madhe të shqiptarëve. Vetëm kështu do të nisim një rrugëtim dinjitoz drejt Europës.
(Postimi i Silva Cakës në Facebook)
d.c./shqiptarja.com