Kush është Florije Peçi?
Florije Peçi është njëra prej studenteve të universitetit të Elbasanit, e cila u aksidentua në Himarë më 21 maj të 2012, por që fatmirësisht i mbijetoi këtij aksidenti.

A pësoi dëmtime gjatë aksidentit?
FLorija pësoi dëmtime të shumta, dhe pas thuajse dy javësh në gjendje kome në Tiranë, u nis për trajtim të specializuar në Austri. Në shtator të 2012 ajo doli nga gjendja e komës dhe u kthye në shtëpinë e saj në Librazhd në fillim të tetorit të kaluar.

A i ngelën pasoja shëndetësore?
Ndonëse rreziku për jetën u tejkalua, Florija ka mbetur me pasoja fizike dhe truama të forta mendore.

Si ngeli shtatzanë?
Familjarët e saj kanë ngritur një padi, sipas të cilës, vajza e tyre është abuzuar seksualisht gjatë kohës kur ishte në gjendje kome në Austri. Deri tani asgjë nuk është vërtetuar apo të dihet se cili është i ati i foshnjes.

Çfarë do të ndodhë tani?
Pritet që analizat e ADN-së që prokuroria do të kërkojë ti bëhen foshnjes së porsalindur do të hedhin sadopak dritë mbi misterin e rastit të Florije Peçit.