Shqiptarja.com shkruan sot se Spartak Spaho njihej si pronar i një restoranti luksoz si dhe një hoteli "Engjëll" që ndodhen në aksin rrugor Fier-Vlorë. Ndërkohë kishte planifikuar dhe ndërtime të objekteve më të mëdha siç ishin pallatet.

Së bashku me një mikun e tij të quajtur Haxhi Renozi ai vendoi që të bëheshin bashkëpronarë për të bërë ndërtime. Kjo punë filloi para një viti, madje pallati është ende në proçes ndërtimi, pasi nuk është përfunduar. Objekti ndodhet në rrugën "Ramiz Aranitasi", pikërisht në vendin që u bë vrasja e tij.  Ekzekutimi mafioz është bërë sapo pronari ka dalë nga pallati që po ndërtohej. Dyshimet e para bien mbi truallin.

Burimet e policisë thanë se Spahiu njihej si person i shpallur në kërkim për trafikim droge, por çëshja ishte mbyllur në maj 2011 për mungesë provash.