POP 5

Lajmet më të lexuara të 5 minutave të fundit

Kronikë

Kushtetuesja në ngërç, skadon afati, asnjë gjyqtar nuk paraqet interes për të aplikuar

Pas prokurorëve që refuzuan të kandidojnë për Këshillin e Lartë të Prokurorisë janë gjyqtarët këtë herë që refuzojnë të kandidojnë për të zgjidhur ngërçin në Gjykatën Kushtetuese. Report Tv ka mësuar ekskluzivisht se këtë të hënë ka skaduar afati prej 30 ditë që gjyqtarët kishin për t’u bërë pjesë e Gjykatës Kushtetuese për të zëvëndësuar një vend bosh nga 6 që ka kjo gjykatë sot.

Asnjë gjyqtar nuk ka garuar për t’u bërë pjesë e Gjykatës Kushtetuese edhe pse ishin 30 ditë në dispozicion në garën e hapur nga Gjykata e Lartë.

Report Tv ka mësuar ekskluzivsht nga burime pranë Gjykatës së Lartë se asnjë gjyqtar nuk ka depozituar formularin e aplikimit pas thirrjes së bërë më 5 tetor 2018.

Faksimilja i përket thirrjes së bërë më 5 tetor nga Gjykata e Lartë ku kreu i Gjykatës së Lartë, Xhezair Zaganjori kërkonte “Për organizimin dhe funksionimin e Gjykatës Kushtetuese të Republikës së Shqipërisë”, në cilësinë e Kryetarit të Gjykatës së Lartë, shpall hapjen e procedurës së aplikimit të kandidatëve që dëshirojnë të konkurrojnë për këtë vend vakant. Afati i pranimit të kërkesave të kandidatëve, është 30 ditë nga data e publikimit të këtij njoftimi”.

Njoftimi i kryetarit të Gjykatës së Lartë, Xhezair Zaganjori ku bëhej thirrje për të aplikuar në vendet bosh për gjyqtar në Gjykatën Kushtetuese
 

 

Njoftimi i kryetarit të Gjykatës së Lartë, Xhezair Zaganjori ku bëhej thirrje për të aplikuar në vendet bosh për gjyqtar në Gjykatën Kushtetuese

Ky refuzim i gjyqtarëve për t’u bërë pjesë e sistemit të ri të drejtësisë dhe zhbllokimit të ngërçit në Gjykatën Kushtetuese i shtohet atij të prokurorëve të cilët prej afro 1 muaj nuk aplikojnë për t’u bërë pjesë e Këshillit të Lartë të Prokurorisë.

Më herët Report Tv ka zbardhur dhe ngërçin e krijuar në KLP ku pas thirrjes së kryeprokurores Arta Marku drejtuar vartësve të saj për të aplikuar në KLP ata nuk i janë përgjigjur.

Kjo thirrje e drejtuar gjykatësve për t’u bërë pjesë e Kushtetueses mes një sërë kriteresh kishte parashikuar për herë të parë dhe atë të kalimit me sukses të procesit të Vettingut si dhe 15 viteve eksperiencë në fushën e jurispondecës si gjyqtar, prokuror, avokat, profesor ose jurist i lartë.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Albanese: 26/12/2018 17:22

    Ky hajdut vazhdon te jete ne funksionin e kryetarit te gjykates se larte?????????????? Ku eshte gjykimi I tij??????? Turp te njejtit fytyra.

    Përgjigju
  • sapa: 05/11/2018 19:02

    Veshtire ta kuptosh.Jane te gjithe te korruptuar pa dallim!

    Përgjigju
  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Sali Berisha: Do heqim mesataren për pranimin në universitete! Studentët do marrin 200 euro çdo muaj

Sali Berisha: Do heqim mesataren për pranimin në universitete! Studentët do marrin 200 euro çdo muaj

17 Dhjetor, 22:51