Kushtetuesja pezullon zbatimin
e ligjit për komandimin e FA-së

TIRANE- Gjykata Kushtetuese ka pezulluar ligjin për komandimin e Forcave të Armatosura, duke pranuar kështu kërkesën e Presidentit Bujar Nishani. Kreu i Shtetit në kërkesën drejtuar Gjykatës Kushtetuese kërkonte “Shfuqizimin si i papajtueshëm me Kushtetutën e Republikës së Shqipërisë, i ligjit nr.64/2014 “Për pushtetet dhe autoritetet e drejtimit e të komandimit të Forcave të Armatosura të Republikës së Shqipërisë”; si dhe Pezullimin e zbatimit të ligjit nr.64/2014 “Për pushtetet dhe autoritetet e drejtimit e të komandimit të Forcave të Armatosura të Republikës së Shqipërisë””.
 
Pas shqyrtimit të kërkesës, Gjykata Kushtetuese e pranoi pjesërisht atë, duke bërë shfuqizim të 5 pikave të ligjit për Forcat e Armatosura.
 
“Bazuar në nenin 131 dhe 134 të Kushtetutës së Republikës së Shqipërisë dhe ligjit nr. 8577, datë 10.02.2000 “Për organizimin dhe funksionimin e Gjykatës Kushtetuese”,
 
VENDOSI:
- Pranimin pjesërisht të kërkesës.
- Shfuqizimin e shprehjes “ndërsa në kohë lufte i drejton Forcat e Armatosura nëpërmjet Komandantit të Forcave të Armatosura” të pikës 2 të nenit 9, si dhe shfuqizimin e nenit 12/ç, 12/d, 22/3 dhe 23/3 të ligjit nr.64/2014 “Për pushtetet dhe autoritetet e drejtimit e të komandimit të Forcave të Armatosura të Republikës së Shqipërisë””, thuhet në njoftimin e Gjykatës Kushtetuese.
 
Redaksia Online
(e.s/shqiptarja.com)