‘Kushtetuesja’ shtyn seancën për padinë e PD-së, Bardhi: U zvarrit se i ka bërë presion Gjykatës Rama! Gati të çojmë firma të tjera

 

Pas shtyrjes së seancës nga Gjykata Kushtetuese për operacionin për ndërtimet pa leje me VKM, deputeti i PD-së, Gazment Bardhi e ka cilësuar si zvarritje me dashje të procesit.
Seanca është shtyrë për më 26 prill, për shkak të dorëheqjes së dy deputetëve. Bardhi gjithsesi e ka cilësuar si vendin të padrejtë me pretendimin se është fakt i njohur botërisht që  Alfred Rushaj dhe Grida Duma kanë qenë deputetë të grupit parlamentar

‘Dy kolegë deputetë të cilët kanë qenë në funksion të detyrës. Kjo është taktikë për zvarritjen e çështjes. Grupi i PD e ka depozituar në tetor këtë ngjarje. Do duhej të kishim një gjykim për këtë çështje. Është fakt i njohur publik se PD ka më shume se 28 anëtare, pra është i gatshëm të dorëzoje firmat e posaçme. VKM që bëhet qëllimisht për të zvarritur procesin. Nëse Gjykata çmon për 28 firma të tjera, jemi gati të çojmë edhe 28 të tjera.

LEXO EDHE:
Gazetari zë ngushtë Belind Këlliçin: Pse nuk flisni më për kompaninë ‘Qefalia’? Keni marrë gjobën? (VIDEO)

Është fakt i njohur botërisht që dy deputetët kanë qenë në detyrë kur kanë vënë në lëvizje këtë çështje. Kjo është një ndër ato çështje ku për herë të parë në Kushtetuese, kryeministri i lejon vetes ku e kërcënonte institucionin. Uroj të mos jetë zvarritje për të fituar kohë.

Nuk pati vendim, Gjykata vendosi se do e marrë në shqyrtim në një kohë tjetër. Ne do i dorëzojmë shpjegimet tona me shkrim. Nga tetori deri tani ka kaluar shumë kohë për këtë vendim antikushtetues. Kryeministri ka guxuar t’i kërkojë GJK të mos lajthisë, ka ndërhyrë me autoritetin e tij presionin ndaj Kushtetues.’- tha Bardhi.

Lajmi kryesor:

PD kërkon shpalljen antikushtetuese të ‘Operacionit për ndërtimet pa leje’, Qeveria: S’kanë firmat, Rushaj e Duma kanë ikur! Bardhi: Zvarritje! Shtyhet seanca

G.MO/r.k./Shqiptarja.com

TAG:
• gazment bardhi
• gjykata kushtetuese
• PD
• operacioni per ndertimet pa leje