''Rithemelimi', rezolutë të paprecedentë që dënon vendimet e Bashës që i diktoi Berisha, djegien e mandateve dhe bojktotin e zgjedhjeve! I kujton lobimin rus

Kuvendi Kombëtar i 'Rithemelimit' të Sali Berishës ka miratuar sot një rezolutë me 12 pika, sa hipokrite aq edhe të paprecedentë politike, pasi dënon vendime të mbështetura fort dhe publikisht nga Berisha. Në dy pikat e para, rezoluta dënon hapur dy vendime vetëshkatërruese të Partisë Demokratike: Bojkotin e zgjedhjeve lokale të 30 qershorit 2019 dhe djegien e mandateve të deputetëve në shkurt 2019.

"Dënon dhe distancohet nga praktika e bojkotit të zgjedhjeve. Partia Demokratike nuk do të jetë asnjëherë direkt apo indirekt pjesë e përpjekjeve për të dëmtuar pluralizmin dhe kufizuar lirinë e zgjedhjes politike të qytetarëve. Distancohet nga praktika e ‘djegies’ së mandateve parlamentare. Parlamentarizmi është vlerë thelbësore e çdo shoqërie të lirë dhe demokratike dhe Partia Demokratike është e vendosur të luftojë për forcimin e parlamentarizmit", thuhet në rezolutë. 

Të dy vendimet i atribuohen Lulzim Bashës, kryetarit të dorëhequr, por vendimet ekstreme jo vetëm janë mbështetur publikisht, por janë diktuar nga Sali Berisha. Madje Sali Berisha ka shprehur hapur idenë e djegies së mandateve që në 2 korrik të vitit 2015.

LEXO EDHE:
Spahiu: Komike, Erion Veliaj pyetet për 4 bileta në 2011, Berisha nuk pyetet as për 4 të vrarë në 2011 gjithashtu

“Për herë të parë në karrierën time politike më erdhi ndër mend një akt, një xhest: djegia e këtij mandati që unë kam në xhep si deputet para parlamentit", tha Berisha në 2015. 

Me anë të rezolutës, Berisha shigjeton Bashën edhe për dosjen e lobimit rus, dosje e cila e mbyllur në mënyrë të dyshimtë nga prokuroria dhe gjykata. Rezoluta dënon dhe distancohet nga skemat e errëta të mbledhjes së fondeve për partinë.

“Dënon dhe distancohet nga praktikat informale dhe jo transparente të mbledhjes dhe menaxhimit jashtëpartiak të fondeve për partinë. Ajo dënon dhe distancohet nga çdo përfshirje në skema financimi dhe qarkullimi parash përmes kompanive off-shore dhe kanaleve jo të ligjshme e jo transparente financiare. Ajo angazhohet në menaxhimin profesional dhe transparencën e plotë të të gjitha financave partiake”, thuhet në rezolutë.

Në tetor të 2021, kur Berishën e pyetën se kush e hodhi idenë e djegies së mandateve, ai tha: "Unë kam qenë. Unë kam qenë. Nuk mund ta mohojë atë. Është e vërtetë që unë e kam artikuluar në një moment. Për mua dramatik për Parlamentin, të papërsëritshëm, të turpshëm, në një moment që po bëhej gjithçka për të zgjedhur Edi Ramën kryeprokuror qoftë me 69 vota dhe unë mendova se këtu është një Parlament diktatorial".

Pra, Berisha pranoi se ishte ideatori i skenarit të djegies së mandateve edhe pasi Lulzim Basha ishte distancuar nga ai në 9 shtator 2021. Sot i dënon këto vendime, duke ia faturuar Bashës dhe manipuluar të vërtetën. Faktet tregojnë se vendimet janë marrë formalisht nga Basha nën diktimin e Berishës, si një formë ekstreme me shpresë për të krijuar turbullira politike dhe krijuar kushtet për të ardhur në pushtet. 

Berisha gjithashtu ka mbështetur dhe diktuar bojkotin e zgjedhjeve lokale. Në shkurt të vitit 2019, Berisha deklaroi se në Shqipëri nuk do të kishte më zgjedhje me Edi Ramën, ide e cila u zbatua më pas nga Basha.

Rezoluta e miratuar sot vijon duke dënuar drejtimin e PD-së në mënyrë jodemokratike nga Basha, mungesën e trasparencës dhe lobimet e dyshimta, ndërsa rikonfirmon aspiratën evropiane të PD-së.

(Kliko këtu për të rezolutën e Kuvendit Kombëtar të PD)

TAG:
• lulzim basha
• sali berisha
• Kuvendi i PD 30 prill
• Lufta brenda PD

Sondazhi i ditës:

Si ka qenë për ju viti 2024?

• I mirë

  44%

• I keq

  22.8%

• As i mirë as i keq

  33.2%

Vota total: 1490

Votat totale janë unike

• Sondazhi i ditës:

  Si ka qenë për ju viti 2024?

  I mirë I keq As i mirë as i keq