POP 5

Lajmet më të lexuara të 5 minutave të fundit

Politikë

Kuvendi plotëson të martën
vakancën në AMA, ja emrat

Kuvendi do të seleksionojë të martën mes kandidaturave për anëtarë të AMA, për të plotësuar vakancën gati dy vjeçare në këtë institucionin. 
Kuvendi plotëson të martën<br />vakancën në AMA, ja emrat
Kuvendi do të seleksionojë të martën mes kandidaturave për anëtarë të AMA, për të plotësuar vakancën gati dy vjeçare në këtë institucionin. Komisioni i Medias do të mblidhet ditën e martë për të plotësuar, vakancën për 4 vende për anëtar të Autoritetit të Medias Audiovizive, vakancë kjo e shpallur që në vitin e shkuar. Në mbyllje të procesit të thirrjeve, janë depozituar zyrtarisht pranë Komisionit për Edukimin dhe Mjetet e Informimit Publik deri në përfundim të afatit ligjor, 22 kandidatura. Tre prej tyre rikandidojnë për një mandat të dytë, dhe janë pikërisht tre personat që u ka përfunduar mandatit pak kohë më parë. Zylyftar Bregu, Suela Musta dhe Sami Nezaj kanë qenë deri më tani anëtarë të AMA-s, dhe po kërkojnë një mandat të dytë prej tij.

Zylyftar Bregu vjen nga shkolla e gazetarisë, si pedagog në Universitetin e Tiranës, Sami Nezaj vjen nga një eksperiencë e gjatë si gazetar, dhe po ashtu edhe Suela Musta. Brikena Kasmi që kërkon të jetë anëtare e Autoritetit, ka shërbyer në qeverinë Berisha si zëvendësministre e Punëve Brendshme, ndërsa Rudi Bobrati ka drejtuar Agjencinë e Mbështetjes së Shoqërisë Civile në qeverisjen e shkuar. Alketa Mukavelati vjen nga Autoriteti i Komunikimeve Elektronike e Postare, ndërsa kandidati tjetër Aristir Lumnezi është gazetar. Sonila Daiu vjen nga bota akademike, ndërsa Flutura Eski ka qenë funksionare e Partisë Demokratike në Berat.

Migena Leskoviku mban titullin Profesor Doktor, në një prej universiteteve  private në Tiranë, kurse Artur Kopani është gazetar dhe ish-drejtues i RTSH-së. Flori Balliu është gazetar dhe ish-drejtues tek Arkivi i Filmit, po ashtu edhe Mina Hysa është gazetar. Mirelinda Collaku është eksperte e të drejtave të autorit, ndërsa Albano Zhapaj vjen nga Fakultetit i Shkencave Sociale. Ndriçim Mehmeti ka qenë funksionar i MASH në qeverinë Berisha, dhe ekspert i çështjeve arsimore, ndërsa Agron Gjekmarkaj është opinionit dhe me funksione pranë Presidentit të Republikës. Gëzim Cekrezi ka qenë funksionar pranë Ministrisë së Brendshme. Garës i shtohet dhe Elda Gremci dhe Igli Ceka me eksperiencë në rrjetet kompjuterike. Bledar Mankollari vjen nga Akademia Ushtarake, ndërsa kandidati i fundit është Bledi Stafa. Nga këto 22 kandidatura  të depozituara, 1 prej tyre rezulton të jenë vetë kandiduar, përkatësisht Bledi Stafa

Në përputhje me nenin 9 të ligjit “Për mediat audiovizive në RSH”, dhe në vijim edhe të njoftimit publik të publikuar në uebsitin e Kuvendit, kandidaturat për anëtarë të AMA-s, duhet të propozohen nga subjekte si shoqata, apo organizata profesionistësh. Në këto kushte, kjo kandidaturë nuk mund të quhet e vlefshme pasi nuk konsiderohet si e tillë në bazë të detyrimit ligjor që ka si kusht propozimin nga subjektet përkatëse. 21 kandidaturat e tjera janë të vlefshme për të vijuar shqyrtimin e tyre, pasi janë të propozuara nga subjektet që kërkon ligji dhe në përputhje me natyrën dhe fushën e subjekteve që kërkon ligji, siç janë: shoqatat dhe grupimet e mediave elektronike; shoqatat e medies së shkruar; profesoratin dhe shoqatat e inxhinierisë elektrike dhe elektronike; profesoratin e së drejtës, gazetari-komunikimit dhe ekonomisë, shoqatat e juristëve dhe Dhomën Kombëtare të Avokatisë; organizatat jofitimprurëse që veprojnë në fushën e të drejtave të njeriut, të drejtave të fëmijëve ose kërkimeve në politikat publike, ose përfaqësues të shoqatave që veprojnë në fushën e mbrojtjes së personave me aftësi të kufizuar.


Redaksia Online
(A.N/Shqiptarja.com)

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Lulja e kuqe e Krishtlindjeve, si të kujdeseni për ta pasur sa më gjatë në shtëpi

Lulja e kuqe e Krishtlindjeve, si të kujdeseni për ta pasur sa më gjatë në shtëpi

25 Dhjetor, 08:34